Abrahamitsche Religionen
Abrahamitsche, abrahamsche oder Abraham siene Religionen weert de monotheistischen Religionen nömmt, de sik up Israel sien Stammvader Abraham un den sien Gott betreckt. In den Koran is Abraham sien Naam Ibrahim. De Beteeken „abrahamitsch“ usw. warrt bruukt, wenn bi dat Gespreek twuschen Anhängers vun düsse Religionen kloor maakt weern schall, datt se dor en gemeensomen Grund in hefft, datt se all up Gott sien Bund mit Abraham torüch gaht. So kann denn düütlich maakt weern, datt se nich bloß en vun den annern verscheelt, man dat se doch tosamen höört. De Begreep stellt also de Klammer twuschen de Religionen dor.[1]
- Dat Jödendom: All Jöden weert in de Bibel „Abraham siene Kinner“ nömmt, se stammt all ut een Lien vun em af.
- Dat Christendom: For dat Nee Testament hett Jesus Christus for all, de gloven doot, wohr maakt, wat Gott Abraham toseggt harr. Dör den Gloven weert so ok de Christen to Gott siene Kinner.
- De Islam: Dor warrt (Ibrahim (Prphet)|Ibrahim]] as Stammvader vun all Kinner vun sien Söhn Ismael ankeken. Se kriegt na den islaamschen Gloven vun Gott toseggt, datt he jem Kinner schenken un sien Segen geven will, ehr ok Abraham sien annern Söhn un Arven, Isaak dat toseggt kriggt. Bovenhen is he in den Koran de eerste Prophet na Adam un Eva, de all Minschen den eenzig wohren Gott kunnig maken deit.