Simon Desthieux

Vun Wikipedia
2012 in Hochfilzen

Simon Desthieux (* 3. Dezember 1991) is en franzöösch Biathlet.

Simon Desthieux geev sien internatschonal Debüt bi de Biathlon-Juniorenweltmeesterschapen 2010 in Torsby, bi de he in' Sprint 42. wurr, sück dornah in dat Verfolgungsrennen up en 15. Rang verbetern kunn, den he todem ok noch in dat Eenzel recken dee un wunn mit Antonin Guigonnat un Florent Claude achter de russisch Mannschap de Sülvermedaille in dat Staffelrennen. Een Johr later wunn he in Nové Město na Moravě den Titel in' Eenzel vör Benedikt Doll un Nikolai Jakuschow , keem in' Sprint up den 7. Platz un in de Verfolgung up Rang 5. Ok in de Staffel keem he gemeensam mit Florent Claude, Baptiste Jouty un Ludwig Ehrhart up Platz 5. Ok bi de Europameesterschapen 2011 in Ridnaun (Junioren) wunn he achter Nikolai Jakuschow de Sülvermedaille in‘ Eenzel, keem in‘ Sprint up Platz fiev un de Verfolgung up Rang 11 un wunn gemeensam mit Florie Vigneron, Enora Latuillière un Valentin Gaillard in dat Mixed-Staffelrennen achter de russisch Mannschap de Sülvermedaille. Dat Johr dornah keem he in Verfolgung un Eenzel jewiels up Platz 5 , för dat Steffelrennen wurr he bi de Utwussen insett

Sien eerst internatschonale Rennen bi de Mannlüd hett Desthieux 2011 in Nové Město na Moravě in‘ Rahmen vun den IBU-Cup bestreeden, wobi he 65. Vun en Eenzel wurr. Wenig later wunn he as 33. Vun en Sprint in Altenberg sien eerst Punkte. Bi de Heimrennen to dat Saisonenn‘ in Annecy kunn de Franzoos mit en Platz 7 in en Sprintrennen sien bit dorhen best Ergevnis in‘ IBU-Cup recken. Eerste internatschonale Meesterschap bi de Mannlüüd wurrn de Europameesterschapen 2012. Mit den wiederen Nahwusslöpern Antonin Guigonnat, Baptiste Jouty un Florent Claude wurr he in de A-Staffel vun Frankriek insett un reck mit de Staffel as Slusslöper den 7. Platz.

In de Saison 2012/2013 is Simon Desthieux in‘ Weltcup antreeden. In‘ Sprint vun Hochfilzen, sien veert Rennen in‘ Weltcup, belegg he Platz 37 un wunn sien eerste Punkte in‘ Biathlon-Weltcup. An dat Enn vun de Saison reck he Platz 57 in‘ Gesamtweltcup un harr as best Eenzelergevnis en 19. Platz bi en Sprint in Oberhof.

In de Saison 2013/14 keem he bit up in twee Rennen, immer in de Punkteränge, wobi sien best Platzeeren Platz 4 in dat letzt Rennen in de Saison in en Massenstart in Oslo an‘ Holmenkollen weer. In de Endafreken stunn he up Platz 21 in‘ Gesamtweltcup. Bi de Olympisch Spelen 2014 reck he mit de Staffel Platz 8.

De Saison 2014/15 leep för Desthieux överhoopt nich good. Sien best Platzeeren bleev Platz 15. In de Gesamtafreeken keem he up Platz 56.

De folgen Saison weer denn weer beter. In de Massenstart-Weltcupwertung keem he up den 10. Platz und in de Gesamtwertung up Platz 16. De best Eenzelergevnisse in de Saison weern twee 6. Plätze. Bi de Biathlon-Weltmeesterschapen 2016 keem he in de Verfolgung immerhen up Platz 6, mit de Staffel aber blots up Platz 9.

Bi de Olympisch Winterspelen 2018 wunn he de Goldmedaille in de Mixed-Staffel (gemeensam mit Marie Dorin-Habert, Anaïs Bescond un Martin Fourcade).

Weblenken[ännern | Bornkood ännern]

Simon Desthieux. Mehr Biller, Videos oder Audiodateien to’t Thema gifft dat bi Wikimedia Commons.