Enora Latuillière

Vun Wikipedia
Zur Navigation springen Zur Suche springen

Enora Latuillière (* 31. Juli 1992) is en franzöösch Biathletin.

Enora Latuillière hör Vereen is Armees Emhm Chamonix. Se geev hör internatschonal Debüt bi den Biathlon-Juniorenweltmeesterschaften 2011 in Nové Město na Moravě, wo se 46. van dat Eenzel, 10. van den Sprint, 23. in de Verfolgung un 13. in‘ Staffelloop wurr. Bi de Juniorinnenrennen van de Biathlon-Europameesterschapen 2011 in Ridnaun wunn se achter Olga Galitsch in‘ Eenzel as ok mit Florie Vigneron, Valentin Gallard un Simon Desthieux in dat Mixed-Staffelrennen de Sülvermedaillen. In‘ Sprint keem se todem up den 7. Platz un in de Verfolgung up Rang 9. Natschonal wurr se Junioren-Meesterin in dat Massenstartrennen. Bi de Junioren-Europameesterschaften un – Weltmeesterschapen 2013 bleev se ahn Medaille.

Bi den Fruen reck Latuillière 2009 in Les Saisies bi de franzöösch Meesterschapen in de Mixed-Staffel en Bronzemedaille. I’n IBU-Cup geev se hör Debüt 2011 bi en Sprint in Annecy, keem up Platz 24 un somit glieks in de Punkteränge. Siet de Saison 2013/14 hörrt se to den för de IBU-Cup vörsehn B-Natschonalkader vun den franzööschen Verband un nimmt regelmatig an internatschonalen Rennen deel. In Ridnaun reck se as 5. vun en Sprint eerstmals en eenstellig Platzeeren, wenig later keem se mit Jacquemine Baud, Rémi Borgeot un Antonin Guigonnat in Ruhpolding in en Mixed-Staffelrennen as Darte eerstmals up dat Podium.

Bi de Biathlon-Weltmeesterschapen 2015 wunn se in de franzöösch Fruenstaffel an de Siet vun Anaïs Bescond, Justine Braisaz un Marie Dorin-Habert de Sülvermedaille un wurr nah de Saison as Rookie Of The Year uttekent.

In de Saison 2015/16 keem se eerstmals in den Biathlon-Weltcup to’n Insatz, aber bi hör dree Starts nich ünner de best 60. In de Folgesaison keem se blots in de letzt beid Rennen to’n Insatz, keem dorbi in de Punkteränge un leeg an dat Enn‘ vun de Saison up Platz 90.

Weblenken[ännern | Bornkood ännern]