Schwarzbunt Märchen
| Filmdaten | |
|---|---|
| Plattdüütsch Titel: | — |
| Originaltitel: | Schwarzbunt Märchen |
| Düütsch Titel: | Schwarzbunt Märchen |
| Produkschoonsland: | Düütschland |
| Johr vun’t Rutkamen: | 1990 |
| Läng: | 11 Minuten |
| Originalspraak: | Düütsch |
| Filmkru | |
| Speelbaas: | Detlev Buck Roger Heeremann |
| Dreihbook: | Detlev Buck Roger Heeremann |
| Musik: | Marc Lingk |
| Kamera: | Detlev Buck Roger Heeremann |
| Snitt: | Detlev Buck Michael Esser |
| Dorstellers | |
|
– | |
Schwarzbunt Märchen (op plattdüütsch so veel as „Swartbunt Märken“) is de Titel vun en Dokumentarfilm vun Detlev Buck ut dat Johr 1990.
Inholt
[ännern | Bornkood ännern]De Film is in’t Fröhjohr dreiht un wiest den Moment, wenn de Keih na’n Winter to’n eersten mol op de Waid laten warrt. Toeerst sünd se in’n Stall noch ankeedt un hebbt nich veel Ruum to’n Bewegen. As de Döör apen maakt warrt troet se sik eerst vörsichtig na buten un fangt denn freidig dat Lopen un Jumpen an. Opletzt mööt de Keih aver faststellen, dat ok hier de Freeheit en Enn un ok de Waid Grenzen hett.
Produkschoon
[ännern | Bornkood ännern]De Kortfilm vun Buck is in’n Rahmen vun en Seminararbeit an de dffb entstahn. Dat Seminar stünn ünner dat Regeer vun István Szabó un hannelt allgemeen vun Kortfilmen. För den Film weer dat Thema Grenzen vörgeven, wat Buck as lehrten Buur mit dat Veeh ümsett hett. He wull dat infangen, as de Keih jemehr Freeheit op de Waid opdecken doot, man denn aver markt, dat üm de Waid denn doch ok wedder en Tuun is[1].
Borns
[ännern | Bornkood ännern]- ↑ Vörwoort vun Detlev Buck in’t Bonusmaterial vun de DVD: Buck-Box(2006)
Websteed
[ännern | Bornkood ännern]- Schwarzbunt Märchen in de Internet Movie Database (engelsch)