Schores Iwanowitsch Alfjorow

Vun Wikipedia
Zur Navigation springen Zur Suche springen
Schores Alfjorow (2003)

Schores Iwanowitsch Alfjorow (russisch: Жоре́с Ива́нович Алфёров}}, wetenschaplich Transliteratschoon russisch: Žores Ivanovič Alfërov}}, nömmt nah Jean Jaurès; * 15. März 1930 in Wizebsk, Wittrussland) is en sowjeetsch un russisch Physiker. He weer Direkter vun dat Joffe-Institut in Sankt Petersburg un wurr 2000 mit den Nobelpries för Physik uttekent.

Leven[ännern | Bornkood ännern]

He forsch in den Beriek vun de Halfleiterlaser ünner den Gebruuk vun Heteroövergängen. All Halfleiterlaser, to’n Bispeel bi Scannern in Registreerkassen, CD-Spelern oder Laserdruckern, footen up de vun Alfjorow opdeckt Prinzipien.

Alfjorow hett an dat Elektrotechnisch Institut in Leningrad (hüüd Sankt Petersburg) studeert un weer Gastwetenschapler in den USA. Van 1987 bit 2003 weer he Direkter vun dat „Physikalisch-Technische Institut A. F. Joffe“ in Sankt Petersburg un bit 2006 de sien wetenschaplich Baas. Siet 1989 is he Viezpräsident vun de Russisch Akademie vun de Wetenschapen. 1987 wurr he as utwärtig Liddmaat vun de Akademie vun de Wetenschapen vun de DDR wählt.[1]

Den Nobelpries in dat Johr 2000 kreeg he to Hälft tosommen mit Herbert Kroemer (de anner Hälft gung an Jack S. Kilby) för Arbeiten ut de Halfleiterphysik, de Basis vun de Informatschonstechnologie wurrn sünd.

Alfjorow is siet 1995 Liddmaat vun de russisch Duma un is to Tiet de Öllerspräsident. He is Afordneter vun de Kommunistisch Partei vun Russland (aber ahn Parteiliddmaatschap) un weer, wenn sien Partei wunnen harr, as Wetenschapsminister vörsehn.

Utteknungen[ännern | Bornkood ännern]

De Asteroid (3884) Alferov wurr nah hüm nömmt.

Weblenken[ännern | Bornkood ännern]

Commons-logo.svg Schores Iwanowitsch Alfjorow. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Berlin-Brandenburgische Akademie der Wissenschaften, [1] Mitglieder der Vorgängerakademien = Shores Iwanowitsch Alfjerow, afropen an‘ 14. Februar 2015
  2. Verleihung der Ehrendoktorwürde an Prof. Dr. Zhores I. Alferov, Russische Akademie der Wissenschaften in St. Petersburg, in: Informationsdienst Wissenschaft van‘ 8. Januar 2010, afropen an‘ 4. Februar 2010
  3. Verleihung der UNESCO-Medaille für Verdienste zur Entwicklung der Nano-Wissenschaft und Nanotechnologien an Zhores I. Alferov, afropen an‘ 18. November 2010