Schleswiger Speeldeel
De Schleswiger Speeldeel e. V. is ene Speeldeel ut Sleswig, de plattdüütsch Theater speelt.
De Grupp gifft dat siet 1961, as sik en Grupp vun Lüüd tohoopfunnen hett, de Freid an Schauspeleree un de plattdüütsche Spraak harrn. Siet Oktober 1998 hett de Speeldeel en egen Theaterhuus inricht, Uns lütt Theoter. De Speeldeel hett 2006 üm un bi 70 Lüüd, de dor mitmaken, un de Förderkrink hett 1000 Liddmaten. Elk Johr föhrt de Speeldeel dree ne’e Stücken op. De Premjeren sünd jümmer in’t gröttere Stadttheater vun Sleswig, de annern Opföhrungen denn in Uns lütt Theoter. Üm un bi 7000 Lüüd seht de Stücken över’t Johr.
2023 wör de Speeldeel bi'n Projekt „Jugendtheater“ vun plattdüütsche Tonarchiv PLATO dorbi. [1] Kinners, de in de Speeldeel mitmaakt, hett dorför to'n Bispeel dat korte Stück De Klassenschnacker inhschnackt un en beten wat över sick vertellt.[2] 2025 hebbt de jungen Lüüd Een märkenhafte Tiemaschien speelt. Dor wör de ARD dorbi un hett för de Sennen Märchenreise filmt. De Utsennen is plant vör den 6. April as Märchenreise - De Fischer un sien Fru. [3]
Kiek ook bi
[ännern | Bornkood ännern]Weblenken
[ännern | Bornkood ännern]- Websteed vun de Speeldeel (plattdüütsch)
Footnoten
[ännern | Bornkood ännern]- ↑ Jugendtheater – PLATO. Afropen an’n 27. Dezember 2025.
- ↑ De Klassenschnacker – Schleswiger Speeldeel – PLATO. Afropen an’n 27. Dezember 2025.
- ↑ Spaß op Platt – Schleswiger Speeldeel: Jugendarbeit in niederdeutscher Sprache. In: Die WochenSchau Schleswig. 14. Dezember 2025, S. 12.