Schipperdoorsvörstadt
De Schipperdoorsvörstadt (hoochdüütsch Schiffertorsvorstadt) weer en Vörstadt von de Stadt Stood (vondaag Stadt Stood in’n Landkreis Stood, Neddersassen).
Historie
[ännern | Bornkood ännern]De Schipperdoorsvörstadt is de Vörstadt, de vör dat Schipperdoor in’n Westen von de Stadt leeg. Noch wieder in’n Westen hebbt de Vörstäder an’n Hogenwedel un an’n Swarten Barg legen.
Von dat Schipperdoor güng de Schossee (vondaag Schipperdoorstraat) na Süüdwesten (vondaag Bremervörer Straat) un hett sik in dat Rebeed twüschen den Swarten Barg un de Hööv von Parlbarg un Hahl in de twee Schosseen na Ritzbüttel (vondaag B 73) un na Bremervöör (vondaag B 74) opdeelt.
De Vörstadt hett vör 1852 to dat Amt Stood-Gothenborg tohöört. De Zivil- un Kriminalgerichtsborkeit harr aver dat Stadtgericht Stood. In dat Johr 1852 is de Vörstadt denn Deel von de Stadt Stood worrn un hett nich mehr to dat Amt Stood-Gothenborg höört.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 137 Lüüd, 26 Hüüs |
| 1. Dezember 1885[2] | 373 Lüüd, 59 Hüüs |
Religion
[ännern | Bornkood ännern]De Vörstadt is evangeelsch-luthersch präägt un höört to dat Kaspel von de Cosmae-Kark in Stood. Fröher weren de Karkenbezirke in Stood noch anners indeelt. Dor weer de Schipperdoorsvörstadt noch opdeelt twüschen de Cosmae-Kark un de Wilhadi-Kark.
För de Kathoolschen is de Hillig-Geist-Kark in Stood tostännig.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 149
Koordinaten:53° 36′ N, 9° 28′ O