Schinnenheemken
| Schinnenheemken | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Systematik | ||||||||||||||||||||
| ||||||||||||||||||||
| Wetenschoplich Naam | ||||||||||||||||||||
| Mogoplistidae | ||||||||||||||||||||
| Brunner-von Wattenwyl, 1873 |
De Schinnenheemken (Mogoplistidae) sünd en Familie mank de Haupeer (Orthoptera). Se sünd sunnerlich in de Tropen un in de Subtropen tohuse. Bitherto sünd 365 Aarden in 30 Geslechter beschreven wurrn.[1], wohrschienlich gifft dat avers noch veel mehr Aarden.
Kennteken
[ännern | Bornkood ännern]De Deerter sünd twuschen 4 un 13 Millimeters lang. Dor sünd se for Haupeer man lüttjet mit. Meist sünd se bruun, en poor Aarden fallt ok dör dannige Musters up. De Seken hefft all gor keen Flunken, bi de Heken fehlt de Achterflunken, de to’n Flegen nödig sünd. Vörflunken gift dat bi de Heken jummers, vunwegen datt se mit de Vörflunken ehrn Gesang utöövt (Stridulatschoon) un dor de Seken mit anlockt. De Vörflunken sund alltied körter, as dat Achtelief. De Schenkels vun’e Achterbeen sünd grötter un dicker, dor könnt se mit jumpen. Over dat ganze Lief hen sitt lüttje Schinnen, dor hefft se ok ehrn Naam vun weg, just as in de Engelsche Spraken, dor heet se "scaly crickets", wat „Schinnenheemken“ bedüden deit. Hen un wenn kaamt ok langere Bössen vor. De Schinnen staht to’n Deel een over de annere weg un könnt dat ganze Butenskelett todecken.[2].
Wie se leven doot
[ännern | Bornkood ännern]De meisten Aarden sünd in’e Nacht togange un leevt in Boomkronen vun Wolden. In Troopschen Regenwoold könnt se in Masse vorkamen. De eenzigste Aart, de in Europa ehre matigen Zonen leven deit, is Pseudomogoplistes vicentae. Se hett sik instellt up dat Leven an felsige Küsten an’e See un kummt vor an de Atlantikküst bit hen na England[3]. Se is to verglieken mit Pseudomogoplistes squamiger in de Gemarken um de Middellannsche See umto, de just so leven deit.[4]. De Aarden weert as Allensfreters ankeken. Over de Aart, wie de meisten Aarden leevt un wasst un sik vermehrt, is nich veel bekannt.
Wo se vorkamen doot
[ännern | Bornkood ännern]De Familie is meist up de ganze Welt tohuse. In Europa leevt 8 Aarden[5], keen vun jem in Middeleuropa. Dat Buschheemken Arachnocephalus vestitus kummt in Noorditalien bit an den süüdlichen Rand vun de Alpen ran.[6]. De meisten Aarden sünd in de Tropen vun de Ole Welt tohuse. Ut Australien sünd 80 Aarden bekannt.[7]. Ofschoonst se keen Flunken hefft, weert ok Eilannen besiedelt, de in’n Ozean wiet af liggen doot, as Ascension un St. Helena[8]. Dat warrt annahmen, datt se mit Drievholt na de Eilannen henkamen sünd.
Phylogenie un Taxonomie
[ännern | Bornkood ännern]Vörmols is de Familie as Unnerfamilie Mogoplistinae vun de Echten Heemken ankeken wurrn. Vun 1987 af an weert se as egenstännige Familie ankeken. Bi en molekulare Studie mit Hölpe vun homologe DNA-Sequenzen sünd de Echten Heemken as Sustergruppe rutsuert.[9]. De Familie warrt in twee hüdige Unnerfamilien updeelt[10]. Datt se tosamenhören doot, is na en molekulare Studie wohrschienlich[11]
- Unnerfamilie Malgasiinae mit dat eenzigst Geslecht Malgasia. Tominnst 12 Aarden. Endemiten vun Madagaskar, in Höhlen tohuse; butendem is een Aart 2014 up de Seychellen nee funnen un beschreven wurrn.[12] Sunner Flunken, ohne Höörgöter.
- Unnerfamilie Mogoplistinae
Belege
[ännern | Bornkood ännern]- ↑ Sigfrid Ingrisch: Order Orthoptera Oliver, 1789. In: Zhang, Z.-Q. (Ed.) Animal biodiversity: An outline of higher-level classification and survey of taxonomic richness. Zootaxa 3148: 195–197.
- ↑ Jeng-Tze Yang & Fang-Shen Yen (2001): Morphology and Character Evaluation of Scales in Scaly Crickets (Orthoptera: Grylloidea: Mogoplistidae). Zoological Studies 40(3): 247-253.
- ↑ The Scaly Cricket Pseudomogoplistes vicentae (Gorochov) in the Channel Islands
- ↑ Laurence Berville, Nicolas Bazin, Philippe Ponel, Daniel Pavon, Patrick Vidal, Jean-Patrick Durand, Timothée Cuchet, Pierre Fiquet, Mathieu Imbert (2012): Données nouvelles sur la répartition de Pseudomogoplistes squamiger (Fischer, 1853) en Provence et en Corse (Orthoptera Mogoplistidae). L’Entomologiste, tome 68, n° 2 : 69 – 72.
- ↑ Heller, K.-G., Korsunovskaya, 0., Ragge, D.R., Vedenina, V., Willemse, F., Zhantiev, R.D. & Frantsevich, L. (1998): Check-List of European Orthoptera. Articulata Beiheft 7: 1-61.
- ↑ Arachnocephalus vestitus bei Linnea.it
- ↑ Daniel Otte: Australian Crickets (Orthoptera: Gryllidae). Subfamily Mogoplistinae (p.385) Academy of Natural Sciences, 2007. ISBN 1422319288
- ↑ A.V. Gorochov Crickets of the family Mogoplistidae (Orthoptera) from Ascension and Saint Helena Island, Atlantic Ocean. Proceedings of the Zoological Institute RAS Vol. 313, No. 1: 23–32.
- ↑ Frederic Legendre, Tony Robillard, Hojun Song, Michael F. Whiting, Laure Desutter-Grandcolas (2010): One hundred years of instability in ensiferan relationships. Systematic Entomology 35: 475–488.
- ↑ Family Mogoplistidae, Orthoptera Species File (Version 5.0/5.0)
- ↑ M.C. Jost & K.L. Shaw (2006): Phylogeny of Ensifera (Hexapoda: Orthoptera) using three ribosomal loci, with implications for the evolution of acoustic communication. Molecular Phylogenetics and Evolution 38: 510–530.
- ↑ A.V. Gorochov (2014): New data on the genus Malgasia (Orthoptera: Mogoplistidae) from Madagascar and Seychelles. Zoosystematica Rossica 23(2): 210–218.
