Schauen & Kaufen
De Schauen & Kaufen GmbH (mehrstendeels schauen & kaufen schreven, op Platt also so veel as kieken un köpen) is en düütsch Ünnernehmen, dat en Reeg Märkt in Noorddüütschland (Sleswig-Holsteen un Noordoost-Neddersassen) bedrifft un dor Sonnerposten verköfft. De Sitt is in Noordersteed in de Ooststraat 58. Dat Ünnernehmen harr Stand 2013 över 120 Lüüd in Lohn un Brood.[1]
Dat Ünnernehmen is in’t Vörjohr 1983 von Conrad Fühner grünnt worrn.[1] De eerste Laden weer in Altno un hett schauen & kaufen — Mode- und Sonderpostenmarkt heten.[1] 1986 keem dor de twete Filiaal in Heensteed-Ulzborg to.[1] De letzte ne’e Filiaal weer 2015 de in Noorddörp.[2] Kort vörher harr de Filiaal in Doberan (Mekelborg-Vörpommern) dichtmaakt.[3] Ok de Filiaal in Altno (Bahrenfeller Strat 134) hett in de Midd von de Johren 2010 dichtmaakt. Stand 2015 weren dat 17 Filialen (Arfd, Beuken, Büsen, Cuxhoben, Grömitz, Hanerau-Hamaschen, Heensteed-Ulzborg, Hemmoor, Himmelpoorten, Kropp, Marn, Noorddörp, Obbens, Stood, Süderbrarup, Wischhoben un Wisteed).[1]
Dat Sortiment reckt över Mood, Drogerieartikel, Levensmiddel, Schrievworen, Speelworen, Malersaken, Warktüüg, Elektroartikel, Saken för Fohrrad un Auto, Huusholtsworen, Deko, Geschenkartikel un Saken för’n Goorn.[1]
Footnoten[ännern | Bornkood ännern]
- ↑ a b c d e f 30 Jahre schauen & kaufen, Hadler Kurier an’n 3. April 2013, Sied 8
- ↑ Nicola Dultz-Klüver: "schauen & kaufen" lockt mit günstigen Angeboten, Wochenblatt an’n 7. Mai 2015
- ↑ Neue Märkte: Handel auf Expansionskurs, Ostsee-Zeitung an’n 18. März 2015
Koordinaten:53° 44′ N, 10° 1′ O