Salbut

Vun Wikipedia
Zur Navigation springen Zur Suche springen
Salbute mit Putenfleesch

En Salbut (spaansche Mehrtall: salbute) is en licht friteerten Mais-Tortilla, de mit Salaatbläder, Avocadoschieven, Höhner- oder Putenfleesch (dat uteneentaast is as Pulled Pork), Tomatenschieven un inleggte rode Zibbeln beleggt is. Dorto kann Habanero-Sooß kamen. Ok traditschonelle Saken ut de Köök von Yucatán so as Cochinita pibil oder Relleno negro köönt dor tokamen.

De Naam von dat Eten kummt ut de Maya-Spraak un sett sik tohoop ut zaal för „licht“ un but för „Füllsel“. Dat Eten kummt von de Halvinsel Yucatán weg un is in Mexiko jüstso as in Belize to finnen.

Eng verwandt is de Panucho un de Tostada. De gröttste Ünnerscheed to’n Panucho is, dat bi’n Salbut dat Bohnenmoos fehlt. Salbute, Panuchos un Tostadas warrt faken in Snackbars anbaden, de denn to’n Bispeel ok Tortas hebbt.