SARS-assozieert Coronavirus

Vun Wikipedia

Bi dat SARS-assozieerte Coronavirus (SARS-CoV, towielen ok SARS-CoV-1) hannelt sik dat um en Coronavirus, dat en Swaar akut Atenwegsyndom (Severe acute respiratory syndrome, SARS) utlösen deit. Bi de SARS-Pandemie 2002/2003 hett de WHO an’n 16. April 2003 bekannt geven, Grund weer en bit dorhen unbekannt Virus ut de Familie vun de Coronaviridae. So weer dat vun verscheden Labore bestimmt wurrn. Dat Genom is grötter, as 29,7 Kilobase. Dor is dat een vun de gröttsten mank de RNA-Viren mit. Bi Minschen kummt SARS-CoV över den ACE2-Rezepter na de Zellen rin.[1] En anner Virus vun düsse Spezies is SARS-CoV-2, dat 2020 de COVID-19-Pandemie utlööst hett.[2] To’n Unnerscheed vun düt nee Virus warrt dat SARS-assozieerte Coronavirus (wo düsse Artikel vun hanneln deit), hen un wenn ok „SARS-CoV-1“ nömmt.[3]De Aart höört to dat Unnergeslecht Sarbecovirus (vörmols engelsch SARS-related [beta]coronaviruses, SARSr-CoV) in dat Geslecht Betacoronavirus.[4]

Ökologie[ännern | Bornkood ännern]

Vunwegen, datt Betacoronaviren in Fladdermüse in Süüdoostasien geneetsch unnersocht wurrn sünd, warrt midderwielen annahmen, datt dat Virus sik in en Evolutschoon in en Reeg vun Coronavirusaarden in Fladdermüse sowiet entwickelt hett, bit tolest dat SARS-CoV dorbi rutkamen is, dat ok Minschen angriepen kann. [5]

Belege[ännern | Bornkood ännern]

  1. W. Li, M. J. Moore, N. Vasilieva, J. Sui, S. K. Wong, M. A. Berne, M. Somasundaran, J. L. Sullivan, K. Luzuriaga, T. C. Greenough, H. Choe, M. Farzan: Angiotensin-converting enzyme 2 is a functional receptor for the SARS coronavirus. In: Nature. Band 426, Nummer 6965, November 2003, S. 450–454, PMID 14647384.
  2. [1]Novel Coronavirus (2019-nCoV), Situation Report – 22 , rutgeven vun de WHO, 2020-02-11
  3. Kristian G. Andersen, Andrew Rambaut, W. Ian Lipkin, Edward C. Holmes, Robert F. Garry: The Proximal Origin of SARS-CoV-2, up: virologica.org, Born: ARTIC Network, 17. Februar 2020
  4. Ben Hu, Lei-Ping Zeng, Xing-Lou Yang, Xing-Yi Ge, Wei Zhang, Bei Li, Jia-Zheng Xie, Xu-Rui Shen, Yun-Zhi Zhang, Ning Wang, Dong-Sheng Luo, Xiao-Shuang Zheng, Mei-Niang Wang, Peter Daszak, Lin-Fa Wang, Jie Cui , Zheng-Li Shi; Christian Drosten (Rutg.): Discovery of a rich gene pool of bat SARS-related coronaviruses provides new insights into the origin of SARS coronavirus, in: PLOS Pathogens vun'n 30. November 2017
  5. Gouilh, Puechmaille SJ, Gonzalez JP, Teeling E, Kittayapong P, Manuguerra JC: SARS-Coronavirus ancestor's foot-prints in South-East Asian bat colonies and the refuge theory. Infect Genet Evol. Oktober 2011;11(7): S. 1690-1702. doi:10.1016/j.meegid.2011.06.021, PMID 21763784