Sünnsprütten

Vun Wikipedia
Deern mit Sünnsprütten

Sünnsprütten, Sommersprütten oder Sünnplacken (Ephelides) sünd lütte geel-brune Placken op de Huut, de sünnerlich bi Minschen mit blond oder root Hoor un hell Huut also bi pigmentarme Lüüd vörkaamt. De Anlaag, Sünnsprütten to kregen, liggt dorüm as ok Huut- un Hoorklöör in't Arvgoot.

Sünnsprütten treedt mehrst op de nich bedeckten Stellen vun de Huut op, wenn dör Sünnlicht dat Wassdom vun de Melanocyten, de Huutzellen, de de Pigmenten billt, anreegt warrt. De Zellen produzeert Melanin, dat sik in Placken sammelt. De Sünnsprütten sünd aver afsluut keen gesundheitlich Problem, man en ganz normal Phänomen.

Weblinks[ännern | Bornkood ännern]

Sünnsprütten. Mehr Biller, Videos oder Audiodateien to’t Thema gifft dat bi Wikimedia Commons.