Huut
Huut (f., pl.: Hüüt, latiensch Cutis) is de büterste Laag vun den Liev bi Minsch un Deert. Se tellt as Organ un hett dorvon de miersten Opgoben an den Liev:
- se is dat gröötste Organ, bi’n utwussen Minschen meet se woll 1,5 bet 2,0 m²;
- se schütt dat Inwendige vör dat Unbill vun buten;
- se höllt dat Inwendige vun den Liev tohopen;
- se nimmt all dat wat buten passeert wohr un gifft dat öber de Nerven wieder an den Bregen, to’n Bispeel: ob Köll oder Warms, ob natt oder Füerhitt, all dat, wat de Minsch tassen deit;
- se sorgt mit Sweten för’n Fledigkeitsuttusch;
- se sorgt dorför, dat de Warms in'n Liev blieben deit.
De minschlich Huut is üm un bi 1,5 bet 4 mm dick un se wicht bi’n utwussen Minschen 10 bet 14 kg.
Dat wat latiensch Cutis nöömt ward, besteiht ut twee Schicht: De Epidermis is de Butenhuut un de Dermis is de dorünner lingende Ledderhuut. Dorto koomt denn noch de Subcutis, wat de Ünnerhuut is.
