Siuerlänner Platt

Vun Wikipedia
(wiederwiest vun Süüdwestfäälsch)
Zur Navigation springen Zur Suche springen

Dat Siuerlänner Platt is en Dialekt vun dat Plattdüütsche, so as he in dat Siuerland spraken warrt. Binnen dat Plattdüütsche höört he to dat Westfäälsche.

Kennteken[ännern | Bornkood ännern]

Jüst as dat Westfäälsche hett dat Siuerlänner Platt för e as to’n Bispeel in iäten. Dat lange e is faken en ai (Braif). Dat u kummt as Diphthong iu vör (iut), dat ü as ui (kuiern). Dat lange a warrt jüst as bi de veel vun de Noordneddersassen as o utspraken (mol). Dat lange o kummt as au vör (tau). En Besünnerheit is ok, dat dat lange i en Diphthong ey is, jüst as bi de Hoochdüütschen (Teyt, wey). Den Wannel vun sk na sch hebbt de Siuerlänner mehrsttiets nich mitmaakt, dat heet Wiske.

Schrievers[ännern | Bornkood ännern]

To de bedüdensten Schrievers höört Papen Jäusäip, Friedrich Wilhelm Grimme un Christine Koch. Ok Wilhelm Bleicher schrifft op Siuerlänner Platt.