Sönke Hartlef

Sönke Hartlef (* 4. Juli 1962 in Stood) is en düütschen Politiker von de CDU.

Hartlef is 1962 in Stood boren. He is verheiraadt un hett een Söhn.

He hett von 1979 bet 1982 en Lehr as Groot- un Butenhannelskoopmann bi dat Baufachzentrum Hasselbring in Stood maakt un weer denn von 1982 bet 1984 bi de Bundswehr. Von 1984 bet 1987 weer he koopmännschen Anstellten bi dat Bogeschäft Albers in Stood un denn von 1987 bet 1992 anstellt bi de Bundswehrverwaltung in Stood. 1992 hett he as koopmännschen Anstellten bi de Berding Beton GmbH in Buxthu anfungen.

Hartlef leevt in Bützfleet un weer dor von 2006 bet 13. September 2019 in’n Oortsraad un von November 2010 bet 13. September 2019 Oortsbörgermeester.

Bi de Börgermeesterwahl in de Stadt Stood an’n 26. Mai 2019 weer he Kannedaat för de CDU. He hett bi de Wahl 44,3 % von de Stimmen kregen un keem dormit in de Stichwahl gegen Amtsinhebberin Silvia Nieber von de SPD. Bi de Stichwahl an’n 16. Juni 2019 hett he 55,35 % von de Stimmen kregen un is to’n ne’en Börgermeester wählt worrn. He hett dat Amt to’n 14. September 2019 övernahmen.

Weblenken

• Hartlef sien Websteed (hoochdüütsch)