Rudolf Näthhorn

Vun Wikipedia
Zur Navigation springen Zur Suche springen

Rudolf Näthhorn (* 6. Dezember 1937 in Altno; † 16. Dezember 2012 in Buxthu) weer en düütschen Politiker.

Näthhorn is 1937 in Altno boren un hett Schriftsetter lehrt. Later hett he as Prokurist arbeidt.

1973 is Näthhorn na Buxthu tagen un in dat Johr ok in de SPD rin. He weer von 1976 bet 2001 in’n Stadtraad von de Stadt Buxthu un von’n 14. November 1991 bet 30. Juni 2000 dor ok Börgermeester.

Von 1991 bet 2001 weer he Afornten in’n Kreisdag von’n Landkreis Stood.

Twee Maal weer he Kannedaat för de SPD för’n Landdag von Neddersassen un ok Kannedaat för dat EU-Parlament, kunn sik bi düsse Wahlen aver nich dörsetten.

2000 hett Blagnac, de Partnergemeen von Buxthu, em to’n Ehrenbörger maakt. 2003 hett he dat Bundsverdeenstkrüüz kregen.

Näthhorn weer verheiraadt mit siene Fro Sybille, de in’n Sommer 2012 doodbleven is.