Rudolf Meyer (Politiker)

Vun Wikipedia
Zur Navigation springen Zur Suche springen

Rudolf Meyer (* 8. März 1953 in Winsen) is en düütschen Politiker von de CDU.

Meyer is 1953 in Winsen boren. Na de mittlere Reife 1969 is Meyer 1971 landweertschoplichen Gehülp, 1972 staatlich prüften Weertschopper un 1975 Landweertschopsmeester worrn. He hett Bueree bedreven (vör allen Ackerbo, Anbo von Grööntüüg un Forstweertschop). He weer Präsident von de Ländliche Utwussenenbildung in Neddersassen, Liddmaat von dat Neddersassische Landvolk, in’n engern Vörstand von’n Landvolk-Kreisverband Horborg un Vörsteher von de Realgemeen Luhdörp.

1988 is Meyer in de CDU rin. Von 1992 bet 1994 weer he Viez-Vörsitter von’n Oortsverband Winsen, 1993 is he Viez-Vörsitter von’n CDU-Kreisverband Horborg/Land worrn. Bi de Bundsdagswahl 1994 hett Meyer mit 48,2 % von de Eerststimmen dat Direktmandaat in’n Bundsdagswahlkreis Horborg wunnen un weer bet 1998 Liddmaat von’n Düütschen Bundsdag.