Robert Coleman Richardson
Robert Coleman Richardson (* 26. Juni 1937 in Washington, D.C.; † 19. Februar 2013 in Ithaca, New York[1]) weer en US-amerikaansch Physiker. Tosommen mit David Morris Lee un Douglas Dean Osheroff kreeg he 1996 den Nobelpries för Physik „för dat Opdecken vun de Suprafluidität in Helium-3 bi düchtig deep Temperaturen“.
Leven
[ännern | Bornkood ännern]Richardson hett sien Studium an dat Virginia Polytechnic Institute maakt un kreeg 1966 an de Duke Universität in Durham, North Carolina sien Doktertitel. 1975 wurr he an de Cornell University ordentlich Perfesser för Physik, siet 1990 ok in de Funktschoon as Direkter vun dat Laboratorium för Atom- un Fastkörperphysik.
In suprafluiden Flüssigkeiten verleesen de Atome hör typisch tofällige Bewegung, se orienteeren sück koordineert; dordör verlüsst de Flüssigkeit binnere Rieven un wiest nichtklassische Effekte. Hüüd hörrn de suprafluiden Phasen vun dat Helium-3 to de an besten ünnersöcht Tostände vun de Materie.
Privates
[ännern | Bornkood ännern]Vun de Duke University kreeg he noch en Ehrendokterwürde. Verheiraadt weer he siet 1962 mit Betty McCarthy, de ok an de Duke University studeert harr. Se harrn twee Döchter Jennifer un Pamela.
Weblenken
[ännern | Bornkood ännern]- Richardson up de Sieden vun den Nobelpries (engelsch)
- Websteed vun Robert C. Richardson (Cornell University)
- DNB-Katalog
- Personennaamdatei