David Morris Lee

Vun Wikipedia
Zur Navigation springen Zur Suche springen
David M. Lee 2007

David Morris Lee (* 20. Januar 1931 in Rye, New York) is en US-amerikaansch Physiker un Nobelpriesdräger.

Lee is in Rye, New York upwussen. Sien Öllern weer jöödsch Immigranten ut England un Litauen. Lee hett an de Harvard University lehrt un gung dornah, 1952 to de US-Armee. Dornah hett he sien Master an de University of Connecticut un fung 1955 mit dat Promotschonsstudium an de Yale University an, wo he vun Henry Alan Fairbank betrüet wurr. Nah sien Promotschoon wurr he Perfesser an de Cornell University.

1996 wurr Lee tosommen mit Douglas Dean Osheroff un Robert Coleman Richardson de Nobelpries för Physik tospraaken för hör Opdecken vun de Suprafluidität in Helium-3 bi düchtig deep Temperaturen (um den afsoluten Nullpunkt), de se 1972 bekannt maakt hemm. Lee hett buterdem tosommen mit Jack H. Freed Karnspinwellen in polariseert atomaren Waterstoff-Gas opdeckt.

1976 kreeg Lee den Sir Francis Simon Memorial Prize vun dat British Institute of Physics un 1981 den Oliver E. Buckley Condensed Matter Prize vun de American Physical Society tosommen Doug Osheroff un Robert Richardson för de Arbeit, för de de dree 1996 ok den Nobelpries kriegen deen. Lee is Liddmaat vun de National Academy of Sciences un de American Academy of Arts and Sciences.

2009 truck Lee mit sien Labor to de Texas A&M University um.

Sien Fru Dana hett Lee an de Cornell University kennen lehrt, de an de sülvig Universität 1959 in en anner Fackberiek hör Doktertitel maakt hett. Dat Paar hett twee Söhns.

Weblinks[ännern | Bornkood ännern]

Commons-logo.svg David Morris Lee. Mehr Biller, Videos oder Audiodateien to’t Thema gifft dat bi Wikimedia Commons.