Risiko

Vun Wikipedia

En Risiko (Mt.: Risikos) is dat Vörutsehn vun de Mööglichkeit vun en Schaden oder vun en Verlust, för den Fall, dat ene Sake scheef geiht (Gefohr). Mit so en vörutsehn Schaden oder Verlust kann denn rekent weern. Dat is mööglich, dat een Risikos ut’n Weg gahn kann. Dor gifft dat nich ganz eenfache Konzepten in de Güntherlogik för. En Risiko is nich datsülvige, as en Unsekerheit. En Risikofall kann intaxeert weern un dor kann mit rekent weern. Dat kann ok seggt weern, wie wohrschienlich de Risikofall is. Bi en Unsekerheit geiht dat nich. De liggt to Grunne. Dor passeert denn wat, wo numms mit rekent hett un wo dat ok keen Wohrschienlichkeit för gifft.[1] In de Ümgangsspraak warrt „Risiko“ so bruukt, as wenn dat Gefohr bedüden dö. Faken gifft dat en ganze Reeg vun Risikos to glieke Tied un dat kann angahn, dat de wichtigsten Risikos gor nich ankeken weert, vunwegen dat een sik bloß mit dat eerste Risiko befaten deit, wat een infullen is. Wenn dat Risiko so lüttj is, dat een meent, dat weer hen to nehmen un dor möss een sik nich sunnerlich mit befaten, denn warrt vun en „Restrisiko“ snackt. Wenn de Risikos avers nich richtig taxeert weert, denn kann dat grote Folgen hebben un ok Katastrophen sünd denn mööglich. Sunnerlich in de Weertschop, un dor up den Finanzmarkt, speelt dat Taxeern vun Risikos en grote Rull in de Spekulatschoon.

Wo dat Woort herkamen deit[ännern | Bornkood ännern]

Wo dat Woort „Risiko“ vun herkamen deit, is nich ganz klaar. De groten düütschen WöörbökerDuden“ un „Wahrig“ meent, dat weer vun dat ooltgreeksche ῤίζα (rhiza „Wuddel, Klint“) över dat latiensche *risicare/*resecare („Gefohr lopen, wagen“) in de düütsche Sprake rinwannert. Man för de latienschen Wöör gifft dat gor keene Belegen. Ok annere Wöörböker seht en Tosamenhang mit dat ooltgreeksche rhizikon „Klint“) un dat latiensche Verb „resecare“, wat dor vun herkamen schall. Dat schall denn wat to kriegen hebben mit en Kliff oder en Felsen, de vun dat Fasteland afsneden is un en Gefohr för de Hannelscheepe is. Ok en Herkamen vun dat vörromaansche „riscare“, de vun dat latiensche „rixari“ („strieden, toweddern ween“) kamen schall, warrt diskereert.

Belegen[ännern | Bornkood ännern]

  1. „Diese Finanzmarktkrise gehört in das Kapitel Unsicherheit.“ (Stefan Homburg: WELT Interview 28.12.2008)