Richard Ohnsorg

Vun Wikipedia
Richard Ohnsorg

Richard Ohnsorg (* 3. Mai 1876 in Hamborg; † 11. Mai 1947 ok dor) weer en düütsch Schauspeler, Theaterspeelbaas un Intendant.

Leven[ännern | Bornkood ännern]

Ohnsorg hett an de Universität Marburg engelsch un düütsch Philogie studeeert un in 1900 in Rostock över engelsch Dramatik promoveert. Siet 1901 weer he in de Bibliotheksdeenst vun de Stadt Hamborg (för de öpentliche Bökerhallen) tätig, siet 10. April 1931 as Oberbibliothekar.

Sien Graff in Ohlsdörp

Bekannt wurrn is he as Grünner, Speelbaas un Schauspeler van en nedderdüütsch Böhn, de an 12. Oktober 1902 in dat „Restaurant Kersten“ an Gänsemarkt as „Dramatische Gesellschaft Hamburg“ gründ wurrn un 1920 in „Niederdeutsche Bühne Hamburg e.V.“ umnömmt wurrn is. Af August 1945 hett disse Böhn de Naam „Richard-Ohnsorg-Theater“ kregen, wat later henn to Ohnsorg-Theater verkört wurrn is.

Hüm is dat gelungen, en ganzen Rieg vun Schauspelers to engageeren, de över Johrteinten bi dat Theater bleven sünd un völ to de Popularität vun dat Huus bedraagen hemm. Dorto hören ünner annern: Otto Lüthje, Walter Scherau, Heidi Kabel, Hilde Sicks un Heini Kaufeld.

Mit Ohnsorg verbunnen is ok de för de Böhnenkunst van 1963 bit 1983 utgeben Richard-Ohnsorg-Pries vun de Alfred-Toepfer-Stiftung F.V.S. to Hamborg.

Begraven liggt Ohnsorg op’n Karkhoff Ohlsdörp in Hamborg.

Schriften[ännern | Bornkood ännern]

  • John Lacy's „Dumb Lady“, Mrs. Susanna Centlivre's „Love's contrivance“ und Henry Fielding's „Mock Doctor“ in ihrem Verhältnis zu einander und zu ihrer gemeinschaftlichen Quelle. Hamburg: Verlag Bargstedt & Ruhland, 1900. (Diss. Universität Rostock)

Weblenken[ännern | Bornkood ännern]