Ricco Groß

Vun Wikipedia
Wesseln na: Navigatschoon, Söök
Ricco Groß in Antholz 2006

Ricco Groß (* 22. August 1970 in Schlema) is en Biathlontrainer un ehmalger düütsch Biathlet.

Leben[ännern | Bornkood ännern]

Ricco Groß bi dat Warmmaaken - Biathlon-WM 2004 in Oberhof

Ricco Groß weer siet 1983 in' Biathlonsport aktiv un siet 1990 Liddmaat vun de düütsch Natschonalmannschap. In dat Johr geev he ok sien Debüt in' Weltcup. Bit 1991 traineer he bi de SG Dynamo Zinnwald, siet 1991 weer he, toletzt in den Rang vun en Hauptfeldwebel, in de Sportfördergrupp vun de Bundswehr in Bischofswiesen un traineer bi den Ski Club Ruhpolding.

Bi Olympisch Winterspelen wurr Groß mit de düütsch Biathlon-Staffel tüschen 1992 un 1998 dreemal nahnanner as ok 2006 Olympiasieger, in Eenzelrennen wunn he twee Sülver- un een Bronzemedaille. Dormit is Ricco Groß neben Sven Fischer de spoodriekste männliche düütsche Athlet bi Olympisch Winterspelen.

Wiederhen wurr Groß insgesamt negen Mal Weltmeester, dorvan fiev Mal mit düütsch Staffeln. Sien letzt Erfolge bi Weltmeesterschapen weern de twee Weltmeestertitel bi de Biathlon-Weltmeesterschapen 2004 in Oberhof (eenmal Staffel un in de Verfolgung vör Raphaël Poirée un Ole Einar Bjørndalen. In de Saison 1997/98 wurr he Tweet un 2002/2003 as ok 2003/2004 jeweils Dart in den Gesamtweltcup. All tosommen hett he 33 Siege in' Weltcup fiern kunnt, dorvan 9 Eenzelsiege.

In' März 2007 hett Ricco Groß sien aktiv Loopbahn afslooten un fung mit en Trainerutbillen an de Trainerakademie Köln vun den DOSB an, de he 2010 spoodriek afsluuten dee. Todem betrüe he den nedderlannschen Biathleten Herbert Cool ehrenamtlich in' Biathlon-Stüttpunkt Ruhpolding. Vun de Saison 2010/11 an weer he Disziplin-Trainer neben den leiden Disziplin-Trainer Gerald Hönig vun den hööchsten düütschen Biathlon-Fruennatschonalkader. Nahdem de Spood in de olympisch Saison 2013/14 utbleev wurr he vun disse Positschoon aftrucken un traineer af de Saison 2014/15 dat IBU-Cup-Team Düütschland. Ricco Groß geev an' 22. Juli 2015 dat Enn' vun de Tosommenarbeit mit den Düütschen Ski Verband bekannt.

Siet de Biathlon-Weltcupsaison 2007/08 bit to dat Enn' vun de Saison 2009/10 hett Ricco Groß bi de ARD as Experten-Kommentater arbeit. He hett dor vör allen de Rennen vun de Mannlüüd begleit, wiels Uschi Disl de glieker Funktschoon för de Daamenrennen övernehm. Disl un Groß hemm in disse Funktschoon de ehmalge Biathletin Magdalena Forsberg aflööst.[1]

2015 wurr Groß Natschonaltrainer vun de russisch Mannlüüd-Mannschap.

Ricco Groß is siet 1994 verheiraadt un hett dree Söhns.

Sportliche Erfolge[ännern | Bornkood ännern]

Olympisch Winterspelen:

  • 1992: 1x Gold (Staffel), 1x Sülver (Sprint)
  • 1994: 1x Gold (Staffel), 1x Sülver (Sprint)
  • 1998: 1x Gold (Staffel)
  • 2002: 1x Sülver (Staffel), 1x Bronze (Verfolgung)
  • 2006: 1x Gold (Staffel)

Weltmeesterschapen:

  • 1991: 1x Gold (Staffel)
  • 1995: 1x Gold (Staffel), 1x Bronze (Sprint)
  • 1996: 1x Silber (Staffel)
  • 1997: 2x Gold (Eenzel, Staffel)
  • 1998: 1x Silber (Mannschap)
  • 1999: 1x Gold (Verfolgung), 1x Sülver (Eenzel)
  • 2000: 1x Bronze (Staffel)
  • 2003: 2x Gold (Verfolgung, Staffel), 1x Sülver (Sprint), 1x Bronze (Eenzel)
  • 2004: 2x Gold (Verfolgung, Staffel), 1x Sülver (Sprint)
  • 2005: 2x Bronze (Eenzel, Mixed-Staffel)
  • 2007: 1x Bronze (Staffel)

Gesamtweltcup:

  • 1x Platz 2 (1997/98)
  • 2x Platz 3 (2002/03, 2003/04)

Disziplinen-Weltcup:

  • 1x Sieger in' Eenzel-Weltcup (1996/97)

Utteknungen[ännern | Bornkood ännern]

Literatur[ännern | Bornkood ännern]

  • Körtbiografie zu: Gross, Ricco. In: Wer war wer in der DDR? 5. Utgaav. Band 1, Ch. Links, Berlin 2010, ISBN 978-3-86153-561-4.

Weblenken[ännern | Bornkood ännern]

Commons-logo.svg Ricco Groß. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Mitdeelen vun de ARD över de Verplichten vun Groß as TV-Experten Afropen an' 15. Dezember 2014