René Vermandel

Vun Wikipedia
Zur Navigation springen Zur Suche springen
René Vermandel (1921)

René Vermandel (* 23. März 1893 in Zelzate; † 20. April 1958 in Anderlecht) weer en belgisch Radrennfohrer.

Wegen den Eersten Weltkrieg wurr René Vermandel eerst mit 27 Johren Profi-Rennfohrer. He wurr to en vun de spoodrieksten Straatenrennfohrer vun de 1920er Johren. 1921 wurr he Belgisch Meester in‘t Querfeldein-Rennen; in dat sülvig Johr wunn he todem de Belgien- as ok de Flannern-Rundfohrt; 1922 nochmal de Belgien-Rundfohrt. 1923 un 1924 wunn he den Klassiker Lüttich-Bastogne-Lüttich. 1922 un 1924 wurr he Belgisch Meester in’t Straatenrennen, bi dat eerste Mal in Form vun en Eendaggsrennen in Spa, bi dat tweet Mal nah en Punktwertung vun mehreren Rennen. 1922 wunn he todem dat Criterium des As. In völ anner Rennen keem he ok up den eersten Platz. Eenmal, 1921, nehm he ok an de Tour de France deel, hett aber bi de darte Deelstreck upgeven.

To’n Enn vun sien Loopbahn hett Vermandel denn noch elf Sössdaagsrennen; 1927 kunn he dat in Düörpm gemeensam mit Pierre Rielens winnen. 1929 belegg he mit Jules Vanhevel den darten Platz bi dat Sössdaagrennen in Düörpm; de Verlegger vun de belgisch Tietschrift Sportwereld, Karel Van Wijnendaele, harr to Steigerung vun de Uplaag de beid Rennfohrer tovör as Antagonisten upbaut.

Nah dat Enn‘ vun sien aktiv Radsport-Karriere wurr Vermandel Schrittmacher bi Steherrennen vun Willy Michaux un Raymond Impanis. Buterdem führ he en Sportcafé in Kuregem, en Oortsdeel vun Anderlecht, un weer lang Johren Vörsitter vun de Radfohrclub „Kuregem Sportief“.

René Vermandel wurr - wegen sien upfällig Frisur: Middelscheitel bi utpräägt Lockenmähn - „Le Frisé“ nömmt, aber ok de „belgisch Lapize“.

Literatur[ännern | Bornkood ännern]

  • Herman Laitem, Jozef Hamels: De Tricolore Trui. 1882–2007. 125 Jaar Belgische Kampioenschappen. Pinguin Productions u. a., Balegem u. a. 2008, ISBN 978-90-73322-21-9, S. 64f.

Weblenken[ännern | Bornkood ännern]