Regiosoap

De Regiosoap (nedderlandsch regiosoap) is een Genre mang de Sepenopern, dat in ene bestemme Regioon, faken up’n Land, speelt un meist ook de regionale Spraak oder den Dialekt uut de Regioon bruukt. Dat Genre is in’n Nedderlannen in den 2000-er Jaren bi den nedderländschen Regionaalsenners opkamen un populäär worrn, het man al in’n 2010-er Jaren wedder wat Belang verloren.

De twentsche Soap Van Jonge Leu en Oale Groond un de grünnengsche Sepenoper Boven Wotter sind överal de enigen plattdüütschen Feernseenregen in düt Genre un tellt ook allens tohope to den wenigen Serien, de up direkt up Platt dreit worrn sind. Wat Feernseenprogramm, dat een verglieken kann het dat in Düütschland nienich geven. De Komödie Büttenwarder op Platt is to’n Bispeel eerst up Hoog afdreit worrn un läter up Platt synchroniseert worrn.

Historie

Mit de westfreesche Regiosoap Baas Boppe Baas op de Omrop Fryslân keem dat Genre 2001 op. Anner Regiosoaps sind bi den nedderlandschen Regionaalsenners folgt. 2005 is de Senner RTV Ooost anfungen de twentsche Sepenoper Van Jonge Leu en Oale Groond uuttosennen. Later kemen de Grünnengsche Soap Boven Wotter up RTV Noord un de limborgsche Reeg De Hemelpaort ruut. Mit den Regiosoaps Nachtegaal en Zonen, Pauwen en Reigers un Koning van de Maas sind ook Regiosoaps ruutkamen, de ook de Regioon as Thema hebbt, man kenen aparten Dialekt oder ene Regionaalspraak bruukt. De Senner KRO het de regiosoaps mit nedderländschen Unnertitels ook landswied in’n Nedderlannen uutstraal Bi’n RTV Drenthe gav dat Plaans för ene drentsche Soap, de man nienich ümseet worrn sind. Arend ten Oever man Streektaal Organisatie Nedersaksisch Taalbegied hadde ook Afsichten tohoop mit den regionalen Senners in Oostnedderland un düütschen Senners ene grenzöverstrieden Regiosoap up den Weg to bringen. Daar is man nix van worrn.

Wichtig för de regiosoaps was dat 2006 de Rulle van den regionalen Senners in’n Nedderlannen stärkt worrn is un de Provinzen nu de wichtige Geldgevers weren. Se kunnen so meer över dat egen Programm bestemmen un mit de Regiosoaps versöcht een regionaal Identiteetsgefööl to föddern un ook wat Reklame för de egen Regioon to maken.

List vun Regiosoaps

• Baas Boppe Baas (Westfreesch)
• Dankert & Dankert (Westfreesch)
• Van Jonge Leu en Oale Groond (Twents)
• De Hemelpaort (Limburgs)
• Boven Wotter (Grönnengsch)

• Nachtegaal en Zonen (Utrecht)
• Pauwen en Reigers (Süüdhollaand)
• Koning van de Maas (Rotterdam)
• Wolfseinde (Brabant)

Kiek ook bi

• List vun plattdüütsche Films un TV-Serien

Literatuur

• Erik Hitters, Tonny Krijnen: Koning van de regio: Populariteit en legitimiteit van regionale televisie, In: Boekmann Band 28 (2009), S. 56–62. (online, Archiv)