Neues aus Büttenwarder
Neues aus Büttenwarder is en Feernsehreeg vun’n Noorddüütschen Rundfunk, de 1998 toeerst utstrahlt worrn is. De Reeg is 2022 instellt worrn. De Reeg is op Hoochdüütsch dreiht, aver all Folgen sünd ok op Plattdüütsch nee inspraken un as Büttenwarder op Platt utstrahlt worrn.
Vun Dezember 1998 af an sünd de eersten acht Folgen elk Week een op’n NDR lopen. Vun 2004 af an hebbt se noch wedder söss Folgen maakt, de aver nich in een dör lopen sünd. Alltohoop gifft dat nu 98 Folgen.
Wo dat üm geiht
[ännern | Bornkood ännern]De Reeg speelt in dat fiktive Dörp Büttenwarder in’n Kreis Stormarn in Sleswig-Holsteen (dreiht warrt dat ganze in Trittow un ümto, dat Gasthuus steiht in Grönwohld).
De beiden wichtigsten Figurn sünd Kurt Brakelmann (speelt vun Jan Fedder) un Arthur "Adsche" Tönnsen (speelt vun Peter Heinrich Brix). De beiden sünd ganz noorddüütsche Dörpslüüd mit noorddüütschen Humor un jede Folg vertellt en lüttje Geschicht ut dat Dörp. In de Folgen geiht dat faken dor üm, dat de beiden so'n beten in Konkurrenz kaamt un sik denn en beten rievt, aver amenn doch tohoophollen doot, wenn dat hart op hart kummt.
Kiek ook bi
[ännern | Bornkood ännern]Weblenken
[ännern | Bornkood ännern]- Neues aus Büttenwarder in de Internet Movie Database (engelsch)