Jan Fedder
Jan Fedder (* 14. Januar 1955 in Hamborg; † 30. Dezember 2019 ok dor) weer en düütschen Schauspeler.
Upwussen is he as Söhn van en Kneipenbesitter un en Danzdeern up St. Pauli. Ok wenn sien Öllern uppasst hebbt, dat he nich in slecht Sellschopp keem, harr he af un an ok mit de Polizei to doon.
Mit 10 Johr hett he mit Schauspeelünnerricht anfungen un hett up Theater-Böhnen, aver ok in Films mitspeelt. Eegentlich hett he Speditschoonskoopmann lehrt, man sien Leevdaag nich in düsse Beroop arbeit. He hett toletzt up en Buernhoff in Sleswig-Holsteen leevt, woneem he ole Autos, Treckers un sowat sammeln dee.
Sien eerste grote Filmrull weer in de Film Das Boot, wo he Pilgrim spelen de. Siet 1990 is he bi de Fernsehserie Großstadtrevier de Polizist Dirk Mathies. Dormit is he in Noorddüütschland düchtig bekannt wurrn. Bi de Serie Nües ut Büttenwarder speel he ok noch de Figur Kurt Brakelmann, de anner Hööftrull speel Peter-Heinrich Brix as Arthur Tönsen. As „Sympathiedreegers för Plattdüütsch“ weern de beiden Schauspelers in’t Johr 2010 mit den Literaturpries vun de Stadt Kappeln uttekent.[1] Brix speel bobento bi’t Großstadtrevier mit.
Nebenbi sing Fedder bi de Grupp Big Balls un he weer ok al Synchroonsnacker.
Filmografie (Utwahl)[ännern | Bornkood ännern]
| Johr | Titel |
|---|---|
| 1980 | Geteilte Freude, Feernsehn |
| 1981 | Das Boot |
| 1984 | Der Sohn des Bullen |
| 1984 | Keine Zeit für Tränen – Der Fall Bachmeier |
| 1987 | Jacob hinter der blauen Tür |
| 1988 | Der Experte |
| 1989 | Singles, Feernsehn |
| 1990 | Werner – Beinhart!, Stimm |
| 1993 | Verlassen Sie bitte Ihren Mann! |
| 1999 | Der Hochstapler, Feernsehn |
| 2006 | Der Mann im Strom, Feernsehn |
| 2008 | Insel des Lichts, Feernsehn |
| 2008 | Das Feuerschiff, Feernsehn |
| 2008 | U-900 |
| 2009 | Meine Tochter und der Millionär, Feernsehn |
| 2009 | Soul Kitchen |
| 2010 | Die Auflehnung, Feernsehn |
| 2012 | Der Hafenpastor, Feernsehn |
| 2013 | Ohne Gnade! |
| 2015 | Der Hafenpastor und das graue Kind, Feernsehn |
| 1987-2018 | Großstadtrevier, Feernsehreeg |
| 1997-2018 | Nües ut Büttenwarder, Feernsehreeg |
Weblenken[ännern | Bornkood ännern]
- Jan Fedder in de Internet Movie Database (engelsch)
- Jan Fedder in de Düütschen Synchroonkartei
