Reeg vun Ansläge in Midi-Pyrénées

Vun Wikipedia
Wesseln na: Navigatschoon, Söök
Reeg vun Ansläge in Midi-Pyrénées

De Reeg vun Ansläge in Midi-Pyrénées is en Reeg vun Ansläge in Toulouse un Montauban in de Region Midi-Pyrénées in’n Süden vun Frankriek in’n März 2012. Dat gung los an’n 11. März un an’n 15. März, as dree Suldaten dootschaten wurrn sünd un een sware Wunnen toföögt wurrn weern. Bi den drüdden Anslag up en jöödsche School sünd veer Minschen umbrocht wurrn, dormank dree Kinner.

So, as de Unnersökers vun de Polizei seggt, hangt de Ansläge tosamen. In all dree Fäll is de Mörder mit en Motorruller ankamen, hett mit Afsicht up siene Oppers schaten un hett desülvige Wapen for sien Doon bruukt.

De Morde schöllt utöövt wurrn sien vun Mohamed Merah, wat en 23-Johre-olen Franzosen weer, de ut Algerien afstammen dö. In de Nacht to’n 21. März 2012 hefft Polizeilüde vun de Spezialeenheit RAID dat Mehrfamilienhuus in den Stadtdeel Côte Pavée vun Toulouse umstellt, wo de Verdächtige in leevt hett. So, as de franzöösche Binnenminister Claude Guéant dat seggt hett, schall Merah seggt hebben, he weer en Mudschahid un höör to dat muslimsche Terror-Nettwark al-Qaida to. An’n Morgen vun den 22. März is de Verdächtige dootschaten wurrn, nadem en Sunnereenheit vun de franzöösche Polzei in dat Mehrfamilienhuus ringahn weer. Dor hett dat denn en Scheeteree geven un ok twee Polzeilüde sünd verwunnt wurrn. So, as de Binnenminister dat seggt hett, weer he ut dat Finster vun siene Baadkamer jumpt un denn dör en Scharpschütten in den Kopp drapen un so dootschaten wurrn. [1]

Belege[ännern | Bornkood ännern]

  1. [1] Spiegel Online: Mohammed Merah und die Geheimdienste: Islamist, Unbehelligt, Auffällig, vun Stefan Simons, 2012-03-22; togrepen an’n 2012-03-22}}