Rechtsprekend Macht

Vun Wikipedia

De Rechtsprekend Macht (ok Judikative vun lat.: iudicare = ordelen) is in de Theorie vun'n Staat en vun de dree unafhängigen Mächt oder Gewalten, de vun den Staat utöövt weert. De annern beiden sünd de Gesettgevende Macht un de Utövende Macht. In de Scheden vun de Mächt sünd düsse Mächt vunwegen de Ideen vun John Locke un Montesquieu ut'neen deelt wurrn. Fröher heet de Rechtsprekende Macht woll ok Jurisdiktschoon.

In Düütschland warrt de Rechtsprekende Macht as de Drüdde Macht vun dat Bundsgericht för de Verfaten, de annern Bundsgerichten un de Landsgerichten in de verscheden Bundslänner utöövt.

De Rechtsprekende Gewalt hangt an Recht un Gesetten un warrt in Rechtsstaten vun unafhängige Gerichten un Richters utföhrt.

De Rechtsprekende Gewalt is nich datsülvige, as Gerichtswesen, Justiz un Rechtspleeg. Wenn een dat vun't Staatsrecht ut bekieken deit, denn höört de doch to'n Deel ok to de Utövende Macht.

Kiek ok bi[ännern | Bornkood ännern]