Ravensbiärg

Vun Wikipedia
Zur Navigation springen Zur Suche springen
Wapen vun Ravensbiarg

De Grofskop Ravensbiarg was äine Giägend in den Hilligen Römisken Ruik un gait truügge bet in't 12. Johrhunnert. Se lagg in'n Nord-Austen vun Nordrhuin-Westfailen med de Stadt Builefeld os Hauptstatt. Ravensbiarg hairte af 1346 teo't Hertogdum Berg, af 1437 teo't Hertogdum Jülich-Berg un af 1521 teo't Hertogdum Kleve. Af 1614 weor de Grofskop vun Brandenburg-Preußen verwaltet, un af 1666 hairte es denn endgüllig teo Brandenburg-Preußen. 1719 hät Preußen de Grofskop med den Fuürstendum Minnen teo den Beritt Minnen-Ravensbiarg tohaupeleggt. 1807 kamm Minnen-Ravensbiarg teo't nuige Küöningruik Westfailen, un 1810 weoren Däile vun den Beritt vun Frankruik innuamen.

Geographie[ännern | Bornkood ännern]

Korde iut den 17.Johrhunnert

De Grofskop lagg in den huütigen Kruisen Hiarwede, Gütsel, Minnen-Lübbke un de Stadt Builefeld. Teo'r Grofskop haur:

  • iut den Kruis Gütsel:
    • Borgholsen, Halle, Stäinhagen, Vassem, Wäder un Isselhorst (Stadtdäil vun Gütsel).
  • iut de Kruis Hiarwede:
    • Enger, Hiddenhussen, Ränghiusen, Spenge, Hiarwede (ohne Falkenduik), Buüne (ohne Dünne un ohne Sproage), Vleode (ohne Uffeln) un Kiarkliänern in'n Süden vun de Waiern.
  • iut den Kruis Minnen-Lübbke:
    • Preußisk-Oldenduarp (ohne Haime un ohne Leoshost), Bad Öinusen in'n Süden vun de Waiern.
  • de kruisfruige Stadt Builefeld.


Geschichte[ännern | Bornkood ännern]

Gerhard II., lester Grof in Builefeld. Miniatur von 1480

Ümme 1100 hedden de Grofen vun Calvelage Goöter in Vechte un Bessenbrügge. Os denn nau Land in'n Nordwesten vun Halle doteo kamm, hedden se de Burg Ravensbiarg bobbet. Grof Otto I. trock denn 1140 up de nuige Burg ümme un dai sik vun do an Grof vun Ravensbiarg naimen. Bui düssen nuigen Namen is et denn auk bui Otto suine Upfolgers bluiwen. De Grofen vun Ravensbiarg hedden 1252 iare aulen Goöter ümme Vechte un Bessenbrügge an dat Bistum Mönster verkaupet.

Builefeld, iawer dat 1214 teon ersten Mol wat os Stadt teo fuinen is, weor teo'n Hauptort vun de Grofskop. Grof Ludwig läit bet ümme 1250 de Sponburg bobben, un in den naichsten hunnert Johren häwwet de Grofen do mäistentuits wuohnet. Ümme 1300 kaime de Giägend ümme de Burg Limbiarg teo'r Grofskop, un ümme 1334 Buüne.

1346 send de Grofen vun Calvelage-Ravensbiarg iutstuorben. Teominnst gaff et ninne Suone mäir, os dat domoals naidig was. De leste Grof Bernhard hadde blaut äine Iarbin, Margarete vun Ravensbiarg-Berg, de med 'nem Kerl iut den Hiuse Jülich verhuiroded was. Margarete iar Mann is denn os Gerhard I. nuiger Grof vun Ravensberg weoren. Twäi Jore läder is Gerhard auk Grof vun Berg weoren.

1409 kamm Enger teo'r Grofskop doteo. Do was Wilhelm II. vun Berg-Ravensbiarg de Grof. Dat was de leste Grof, de up de Sponburg suinen Sitt hadde. Häi is in de Marienkiarke in'er Nuigstatt vun Builefeld begrawen. Os suin Suon Gerhard II. 1437 Jülich un Berg iarbet hadde, trock häi vun den Ravensbiarger Lanne weg.

1511/21 kamm teo Jülich-Berg-Ravensbiarg duür 'n Iarbe auk Kleve-Mark doteo. Düsse Hertogdümer weoren denn teo Jülich-Kleve-Berg verbuinen. Os de Hertöge vun Jülich-Kleve-Berg 1609 iutstuorben send, kamm Ravensberg teo Brandenburg-Preußen. Do is et denn auk bluiwen, wenn enner dovun afsäit, dat et in'n dartigjorgen Kruige wesselnde Heren gaff un Ravensbiarg teo'r Tuit vun Napoleon tüskenduür teo Frankruik haur.

Af 1816 gaff et de Grofskop nich mäir. Preußen hät suin Verwalten ümmestellt un dovor de Kruise Builefeld, Halle, Hiarwede un Buüne inrichtet. Suit 1969/73 is Ravensbiarg os buaben updäilt.

Lannesburgen[ännern | Bornkood ännern]

Iawerbluivsel Burg Limbiarg
Iawerbluivsel vun Burg Vleode

Ravensbiarg hadde fuiw Burgen:

Up den Burgen gaff et nich blaut de Saldoden, de Burgen wören bet up de Burg Bustedt Verwaltenssitt vun den väir Ämtern Ravensbiarg, Limbiarg, Vleode un Sponbiarg. In jäiden Amt gaff et den Drost un äinen Burggrof, de iaren Sitt up den Burgen hedden. In läderen Johren hedden de Droste iaren Sitt owwer nich mäir jümmer up de Burg.

De Grofen vun Ravensbiarg[ännern | Bornkood ännern]

Hius Calvelage-Ravensbiarg[ännern | Bornkood ännern]

anfangen med den Grofen vun Calvelage bet 1252

Hius Jülich(-Heimbach)[ännern | Bornkood ännern]

1348–1395 Grofen auk vun Berg, af 1437 auk vun Jülich-Berg

Hius (Kleve-)Mark[ännern | Bornkood ännern]

af 1521 os Herren vun Jülich-Kleve-Berg; 1609–1614 Jülich-Klevischer Iarbfolgestruit

Hius Hohenzollern[ännern | Bornkood ännern]

Kurfürsten vun Brandenburg un preußiske Küöninge

Auk no den Enne vun de Grofskop förde de Küönige vun Preußen den Titel Grof teo Ravensbiarg, tolest Kaiser Wilhelm II. bet 1918.

Boöker[ännern | Bornkood ännern]

Weblenken[ännern | Bornkood ännern]

Commons-logo.svg Grafschaft Ravensberg. Mehr Biller, Videos oder Audiodateien to’t Thema gifft dat bi Wikimedia Commons.



Disse Artikel is op Ravensbiarger Platt schreven. Mehr Artikels op Ravensbiarger Platt.