Ralf Borngräber
.jpg)
Ralf Borngräber (* April 1961 in Rodenborg) is en düütschen Politiker von de SPD.
Borngräber is 1961 in Rodenborg boren. Na dat Abitur 1980 hett he Politik, Arbeid-Weertschop un Technik an de Universität Ollnborg studeert.
Na dat Studium weer he Schoolmeester an Grund-, Haupt- un Realscholen in Visselhöövd, Berlin-Kreuzberg, Rodenborg un Söttmer. 2000 is he Rekter von de Orientierungsstufe Freudenthalstraat in Rodenborg worrn. 2004 is he as schoolfachlichen Dezernent an de Bezirksregerung Lümborg wesselt un na de Verwaltungsreform in dat sülve Johr an de Landsschoolbehörde. Dor is he bet to siene Wahl in’n Landdag von Neddersassen 2008 bleven. Siet 2013 is he didaktischen Baas von de Oberschool Soltau.
1977 is Borngräber in de SPD rin. Von 1985 bet 1987 weer he Kreisvörsitter von de Jusos in’n Landkreis Rodenborg. Von 1991 bet 2001 weer he Schöppen bi dat Amtsgericht Rodenborg un dat Landgericht Veern. Von 1991 bet 2001 un von 2004 bet 2013 weer he Maat in’n Stadtraad von Rodenborg un dor von 2011 bet 2013 ok Raadsvörsitter. 2004 is Borngräber Vörsitter von’n SPD-Ünnerbezirk Rodenborg un Maat in’n Bezirksvörstand von de SPD in Noord-Neddersassen worrn. Siet 2006 is he Afornten in’n Kreisdag von’n Landkreis Rodenborg. Borngräber is Liddmaat in de GEW un de AWO.
Bi de Landdagswahlen 2008 un 2013 weer Borngräber Kannedaat för de SPD in’n Wahlkreis Rodenborg. He hett aver beid maal gegen Mechthild Ross-Luttmann von de CDU verloren. 2008 is he över de Landslist liekers in’n Landdag intagen. 2013 keem he blots op Platz veer von de Narückerlist. In de 16. Wahlperiood (2008–2013) weer Borngräber in’n Kultus- un in’n Petitschoonsutschuss von’n Landdag.
