Raadhuus Stood

Vun Wikipedia
Zur Navigation springen Zur Suche springen
Raadhuus von 1667 (2005 opnahmen)
Poort von dat Raadhuus
Oold Bild von de Hökerstraat mit Raadhuus ut de Tied vör 1903

Dat Raadhuus Stood is dat ole Raadhuus von de Hansestadt Stood. Dat liggt in de Hökerstraat in de Binnenstadt von Stood glieks blangen de Cosmae-Kark.

Dat eerste Raadhuus is 1279 boot worrn. Dat stünn do noch mit de Front na de Cosmae-Kark. De Raadskeller kummt an’n 22. Februar 1305 dat eerste Maal in dat Stoder Stadtbook vör. He is do al as Wienkeller un Gaststeed bruukt worrn.

Dat fröhere Raadhuus von Stood is bi’n Stoder Stadtbrand an’n 26. Mai 1659 afbrennt. Blots dat gotische Kellergewölv mit’n Raadskeller is nableven. Op dat ole Gewölv is 1667 en neet Raadhuus boot worrn.

In de Tied na’n Tweten Weltkrieg dee dat Raadhuus bilütten jümmer mehr to eng warrn. Aver eerst in de Johren 1985 bet 1988 is denn en neet modern Raadhuus blangen dat ole boot worrn.

De Königsmarcksaal is de grote Saal in’t Raadhuus. Sien Naam hett he aver eerst in’t 20. Johrhunnert kregen, na Hans Christoph Graf Königsmarck, wat de eerste sweedsche Guvernör in Stood weer, nadem de Sweden dat Hertogdom Bremen övernahmen harrn. De Hansestuuv weer bet 1955 de Deenstkamer von’n Börgermeester.

Literatur[ännern | Bornkood ännern]

  • Ursula Schwanitz-Roth: Das Stader Rathaus: Geschichte, Nutzung, Restaurierung. 1990

Weblenken[ännern | Bornkood ännern]

Commons-logo.svg Raadhuus Stood. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 36′ N, 9° 29′ O