Río Warunta

Río Warunta
Laag	Gracias a Dios, Honduras
Stroomsystem	Río Warunta
Born	in de Montes de Colón
Münn	in de Laguna Warunta
rechte Blangenströöm	Río Siksatingni, Crique Wisplini

De Río Warunta (ok Río Guarunta schreven) is en över 120 Kilometer langen Stroom in dat Departamento Gracias a Dios, Honduras, de in de Laguna Warunta münnt. He flütt dör de Region La Mosquitia (dat Binnenland to de Miskitoküst).

De Born liggt in de Montes de Colón un de Sierras del Warunta bi 14° 53′ N, 84° 43′ W. Dat liggt an de Waterscheed to’n Kahkatingni un to’n Río Sus Sus, de all beid na’n Río Coco affleten doot. Von dor flütt de Stroom na Noordoosten dör en Rebeed, dat meist unbewahnt is. He münnt in de Laguna Warunta, de sülvst en Deel von de Laguna Caratasca is. De Laguna Caratasca is mit de Karibische See verbunnen. En Deel von dat Rebeed billt den Warunta-Natschonaalpark.

De Río Warunta billt in’n Ünnerloop de Grenz twüschen de Municipalidads Ahuas un Puerto Lempira.

Na de Sandinisten-Revolutschoon in Nicaragua von 1979 sünd vele Flüchtlinge ut Nicaragua (vör allen Miskito un Sumu) na Honduras kamen un hebbt denn in Lagers leevt, von de een ok in de Region von’n Río Warunta leeg. 1987 bet 1989 hett dat UNHCR düsse Flüchtlinge denn hulpen, wedder na Nicaragua trüggtokamen.