Río Uluapa
| Río Uluapa | |
|---|---|
| Laag | Yoro, Honduras |
| Stroomsystem | Río Aguán |
| Läng | 12 km |
| Born | bi La Libertad |
| Koordinaten Born: | 15° 22′ N, 86° 34′ W |
| Münn | bi El Ocote in’n Río Aguán |
De Río Uluapa is en üm un bi 12 Kilometer langen Beek in dat Municipio Olanchito, Departamento Yoro, Honduras, de von rechts in’n Río Aguán münnt.
De Beek hett sien Born in de Bargen von de Cordillera de La Esperanza an de Grenz na dat Departamento Olancho bi dat Dörp La Libertad. Dat is de Waterscheed to’n Río de Calpules in’n Westen, Quebrada de La Cera (flütt na’n Río Chiquito) in’n Süden, Quebrada El Chile (na’n Río Chiquito) in’n Oosten un Quebrada Piedras de Afilar (na’n Río Mame) in’n Noordoosten.
Von dor flütt de Río Uluapa na Noordwesten un kummt een Kilometer in’n Süden von dat Dörp Teguajinal ut de Bargen rut un in dat Daal von’n Río Aguán (Valle del Aguán). Hier dreiht de Beek op en Noordnoordoost-Kurs un löppt dör Teguajinal un El Ocote. In’n Noorden von El Ocote münnt de Río Uluapa in de Gravens, de langs’n Río Aguán dat Water ut dat siede Land afföhrt. Dree Kilometer in’n Noordoosten liggt de Stadt Olanchito. Op dat Över güntsied münnt von links de Río Agalteca.