Río Tocoa

Río Tocoa
Laag	Colón, Honduras
Stroomsystem	Río Aguán
Läng	40 km
Born	bi El Trabón
Koordinaten Born:	15° 33′ N, 85° 48′ W
Münn	bi Tocoa in’n Río Aguán
Koordinaten Münn:	15° 40′ N, 86° 2′ W
linke Blangenströöm	Río Pinares, Río Frío

De Río Tocoa is en üm un bi 40 Kilometer langen Stroom in dat Departamento Colón, Honduras, de von rechts in’n Río Aguán münnt.

De Born liggt in’n Süüdoosten von dat lüttje Dörp El Trabón in de Cordillera de La Esperanza an de Grenz na dat Departamento Olancho (Waterscheed to’n Río Chiquito). Von dor flütt he na Noordwesten un nimmt von links den Río Pinares op. He flütt an dat Dörp La Abisinia langs un nimmt denn von links den Río Frío op.

Teihn Kilometer vör de Münn kummt he ut de Bargen rut un flütt in dat Aguán-Daal. Dor liggt de Stadt Tocoa. En Stück in’n Westen von Tocoa münnt de Río Tocoa denn in’n Río Aguán, de later sülvs in de Karibische See flütt.