Río Tayaco
| Río Tayaco | ||
|---|---|---|
| Laag | Olancho, Honduras | |
| ||
| Stroomsystem | Río Sico | |
| Läng | 24 km | |
| Born | in de Montaña de Botaderos | |
| Koordinaten Born: | 15° 22′ N, 85° 58′ W | |
| Münn | in’n Río Grande (op 300 m över de See) | |
| Koordinaten Münn: | Koordinaten:15° 25′ N, 85° 47′ W15° 25′ N, 85° 47′ W | |
| linke Blangenströöm | Río Arevan, Río La Pila | |
| rechte Blangenströöm | Río del Naranjal | |
De Río Tayaco is en üm un bi 24 Kilometer langen Stroom in dat Municipio Gualaco, Departamento Olancho, Honduras, de von links in’n Río Grande (Río Sico) münnt.
De Born liggt in de Montaña de Botaderos bi meist 1.500 m över de See un an de Grenz na dat Departamento Colón. Dat is gliektiedig de Waterscheed na’n Río Escondido. Von dor flütt he tooerst na Süüdoosten un denn na Oosten. He nimmt von links den Río Arevan op un von rechts den Río del Naranjal, de egentlich sogor noch länger is. Wieldes de Río Tayaco bet dorhen blots söven Kilometer lang is, is de Río del Naranjal bet dorhen 13 Kilometer lang.
Von links nimmt he denn noch den Río La Pila op un münnt toletzt in’n Río Grande. De Río Grande warrt wieder stroomaf denn Río Sico nöömt un münnt in de Karibische See.
Dat Rebeed is nich unbewahnt, aver temlich dünn besiedelt. An’n ganzen Loop von’n Stroom gifft dat jümmer wedder lüttje Öörd mit en poor Hüüs, aver dat gifft wied un sied kene richtigen Dörper un ok kene richtigen Straten. De nächsten Dörper doot an’n Río Grande langs liggen. De nächste faste Straat is de Ruta Nacional 39 in El Pedrero un Casa Quemada 20 Kilometer den Río Grande stroomaf.