Río Sulaco
| Río Sulaco | ||
|---|---|---|
| Laag | Honduras | |
| ||
| Stroomsystem | Río Humuya | |
| Läng | 60 km | |
| Born | tohoopfleten von Río Grande del Agua Caliente un Río Siguapa | |
| Koordinaten Born: | 14° 53′ N, 87° 13′ W | |
| Münn | in’n El-Cajón-Stausee | |
| Koordinaten Münn: | Koordinaten:15° 3′ N, 87° 31′ W15° 3′ N, 87° 31′ W | |
| linke Blangenströöm | Río Colorado, Río Canquigüe, Río Jícaro | |
| rechte Blangenströöm | Río Jacagua | |
De Río Sulaco is en üm un bi 60 Kilometer langen Stroom in Honduras, de in’n El-Cajón-Stausee münnt. Tohoop mit sien Bornstroom Río Grande del Agua Caliente (53 km) un Río Talanga (70 km) is he üm un bi 183 Kilometer lang.
He billt för de kumpletten 60 Kilometer de Grenz twüschen de Departamentos Yoro (in’n Noorden) un Comayagua (in’n Süden).
De Río Sulaco billt sik in de Neegd von El Jaral. Dor doot Río Grande del Agua Caliente un de Río Siguapa tohoopfleten. He flütt von dor na Noordwesten vörbi an de Öörd Sulaco un Victoria. In’n Süden von Victoria nimmt he von links den Río Colorado un en Stück wieder ok von links den Río Canquigüe un den Río Jícaro op. Bi Las Jagüitas in de Neegd von Las Vegas nimmt he von rechts den Río Jacagua op.
De Río Sulaco münnt toletzt bi El Mango in’n El-Cajón-Stausee. Bevör de Stausee 1984 opstaut worrn is, is de Stroom von dor noch good 31 Kilometer wieder flaten bet na’n Río Humuya, mit den sik de Río Sulaco to’n Río Comayagua verbunnen hett. Dat Water flütt över Río Comayagua un Río Ulúa na de Karibische See hen af.
Op düsse 31 Kilometer, de nu Deel von’n Stausee sünd, münnt von links de Río Yunque un de Quebrada Mazaguara in’n Stausee.