Río Bobos (Río Motagua)

Río Bobos
Laag	Guatemala, Honduras
Stroomsystem	Río Motagua
Läng	37 km
Born	bi El Ermitaño
Münn	bi Sioux in’n Río Motagua
Koordinaten Münn:	15° 25′ N, 88° 49′ W
linke Blangenströöm	Quebrada de Trochas
rechte Blangenströöm	Quebrada El Playón

De Río Bobos (in Guatemala) oder Río de Tarros (in Honduras) is en üm un bi 37 Kilometer langen Stroom in de beiden Länner Honduras un Guatemala, de von rechts in’n Río Motagua münnt.

De Born as Río de Tarros liggt en Stück in’n Süden von’n Oort El Ermitaño in dat Municipio Nueva Frontera, Departamento Santa Bárbara, Honduras. Dat liggt in de Sierra Gallinero an de Waterscheed to verscheden Quebradas, de na’n Río Chiquila fleet, un welk, de na de Quebrada La Grita fleet. Von dor flütt de Río de Tarros na Noordwesten un an dat Dörp San José de Tarros langs. Kort later flütt he över de Staatsgrenz na Guatemala un heet denn Río Bobos. He flütt hier dör dat Municipio Morales von dat Departamento Izabal.

Von links nimmt he de Quebrada de Trochas op un von rechts de Quebrada El Playón. So bi negen Kilometer vör de Münn kummt de Stroom ut de Bargen rut un flütt in dat Daal von’n Río Motagua. Dor flütt he an Los Cerritos langs un münnt bi dat lüttje Dörp Sioux denn in’n Río Motagua, de later sülvs in de Karibische See flütt.