Río Amarillo (Río Copán)
| Río Amarillo | ||
|---|---|---|
| Laag | Copán, Honduras | |
| ||
| Stroomsystem | Río Motagua | |
| Läng | 34 km | |
| Born | in Santa Isabel | |
| Koordinaten Born: | 14° 56′ N, 88° 55′ W | |
| Münn | in’n Río Copán | |
| Koordinaten Münn: | Koordinaten:14° 52′ N, 89° 6′ W14° 52′ N, 89° 6′ W | |
| linke Blangenströöm | Quebrada La Leona, Río Mirasol, Río Gila | |
| rechte Blangenströöm | Quebrada de Otuta, Quebrada de Quebradona | |
De Río Amarillo is en 34 Kilometer langen Beek in dat Departamento Copán, Honduras, de in’n Río Copán münnt.
De Beek billt sik in de Sierra Gallinero in Santa Isabel ut de fiev Kilometer lange Quebrada La Cangrejera (ut Noordoosten) un de teihn Kilometer lange Quebrada Ruizal (ut Süden). Tohoop mit Quebrada Ruizal is de Río Amarillo also 44 Kilometer lang. Von dor flütt he na Süüdwesten vörbi an dat Dörp Río Amarillo, wo he von links de Quebrada La Leona opnimmt, dat Dörp El Mirador, wo von rechts de Quebrada de Otuta münnt, un dat Dörp El Jaral, wo von links de Río Mirasol in’n Río Amarillo flütt. Dorbi löppt de Straat CA-11 jümmer op dat Noordöver langs.
Wieder geiht de Loop na’n Oort Santa Rita, wo von rechts de Quebrada de Quebradona münnt. Hier flütt de Río Amarillo mit’n Río Gila (von links) tohoop un de Río Copán billt sik. Dat Water flütt wieder af över Río Copán/Río Grande o Comotán, Río Grande de Zacapa un Río Motagua, de toletzt in de Karibische See münnt.