Punta Sal (Honduras)

Vun Wikipedia
Punta Sal Beach
Playa Escondida

Punta Sal is en Kap un Halvinsel in dat Municipio Tela, Departamento Atlántida, Honduras, dat in’n Golf von Honduras (Deel von de Karibische See) rinreckt. Dat Rebeed is as Natschonaalpark Jeannette Kawas schuult (fröher ok Natschonaalpark Punta Sal nöömt). Vör dat Kap doot mit de Rocas en Grupp von Felsen liggen.

De Halvinsel besteiht ut en Reeg von lüttje Bargen, von de de höögste 176 m över de See hoog is. De lüttje Högentog reckt sik 13 Kilometer von Süüdwest na Noordoost. Dat Süüdwest-Enn is de 105 m över de See hoge Cerro Agua Caliente, de en Stück binnenlands liggt. Na Noordoosten to liggt denn de 112 m över de See hoge Cerro Berlín un en Punkt mit 143 m över de See direkt an de Küst. Hier billt sik de Laguna El Diamante. Dat Noordoost-Enn is denn de egentliche Punta Sal.

De Bargen von Punta Sal sünd von de Cordillera Nombre de Dios dör sied Swemmland von de Strööm in dat Sula-Daal trennt (Río Mezapa, Río Ulúa). Fröher weren de Bargen woll maal Eilannen, man dör Sedimenten von de Strööm un dat Warken von de Utglieksküst sünd de fröheren Eilannen nu an’n fasten Wall anbunnen.

An enkelte Afsneden von de Küst von de Halvinsel gifft dat fiene Sandstrannen, ünner annern den Playa Cocalito un Playa Escondida/Puerto Escondido (in de Laguna Hutchinson). Afsehn von de poor Hüüs an’n Playa Cocalito is de nächste Oort Río Tinto in’n Süüdwesten. De Stadt Tela liggt 20 Kilometer in’n Süüdoosten.

Weblenken[ännern | Bornkood ännern]

Punta Sal (Honduras). Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:15° 56′ N, 87° 36′ W