Portal:Wikinews/Premier vun’n Apparatspott Deel 3

26. März 2008: De drüdde Deel vun de plattdüütsche Science-Fiction-Reeg Apparatspott schall nu na tweeunhalf Johr Dreihtiet an’n 28. März in Deefholt in de Kreisspoorkass Premier hebben. Na De Apparatspott – Ick heep keene Lust mehr hier ünnen un Apparatspott – Gerangel in Ruum un Tied gifft dat vun de Filmemoker ut Sulingen nu De lesste Apparatspott – Dat mokt wi gistern. Ok in’n drüdden Deel gifft dat wedder veel bekannte Gesichter so as Gerlinde Rosenbusch, Armin Maiwald un Falko Weerts. In Deel 3 warrt de Börgermeesterin dör en gehemen Tiettunnel in de Vergangenheit schickt un geiht verloren. Käpt’n Kork un siene Kru mööt nu achterher un ehr wedderhalen. In lang vergahn Tieden draapt se beröhmte Lüüd un dat blifft nich ut, dat se denn un wenn en beten den Loop vun de Tieden verännert.

Ok wenn mit Apparatspott nu Sluss wesen schall, de Filmemoker hebbt al verspraken, dat dat noch wedder en Film op Platt geven schall.

Mehr to Apparatspott 3 gifft dat ünner http://www.apparatspott3.filmemoker.de/.