De Apparatspott – Ick heep keene Lust mehr hier ünnen
| Filmdaten | |
|---|---|
| Plattdüütsch Titel: | De Apparatspott |
| Originaltitel: | De Apparatspott |
| Produkschoonsland: | Düütschland |
| Johr vun’t Rutkamen: | 1999 |
| Läng: | 98 Minuten |
| Originalspraak: | Plattdüütsch |
| Filmkru | |
| Speelbaas: | Martin Hermann |
| Dreihbook: | Martin Hermann, Dieter Köper |
| Produkschoon: | Martin Hermann |
| Musik: | Martin Hermann |
| Kamera: | Martin Hermann |
| Snitt: | Martin Hermann |
| Dorstellers | |
| |
De Apparatspott – Ick heep keene Lust mehr hier ünnen is de eerste Deel vun de plattdüütsche Apparatspott-Reeg vun de Filmemokers ut Sulingen.
1996 hebbt se’t Dreihn anfungen mit Martin Hermann as Speelbaas. 1999 is de Film trech wesen. De twete Deel vun de Reeg is Apparatspott – Gerangel in Ruum un Tied. De drütte Deel Apparatspott – Dat mokt wie gistern is 2008 trech wurrn.
De Apparatspott weer en Privatprojekt, doch de Idee, en Science-Fiction-Film op Platt to maken, harr so’n Spood, dat de Film denn ok in welk Kinos lopen dee. De Film un siene Makers hebbt’n Kulturpries vun de Stadt Sulingen kregen un ok op dat Internatschonal Filmfest Ollnborg is de Film lopen.
Wat passeert
[ännern | Bornkood ännern]
Nadem twee Asteroiden tohoopstött, drippt de Apparatspott op dat Ruumschipp Enterprise ünner Käptn Picard, dat mallöört is. De Apparatspott kriggt den Opdrag, Utwesseldelen rantohalen, dat se de Enterprise wedder flott kriegt. Un denn schöölt se noch Schiller vör’t Asteroidenfeld opstellen, de vör Steenslag wohrschaut. Dorto kummt de Nr. Eent vun de Enterprise an Boord. Doch bi dat Manöver gifft dat noch wedder Mallöör un de Apparatspott sorgt för Havarie bi’n buteneerdschen Beerfrachter. Nu warrt dat Beer in de Galaxie knapp.
Böker
[ännern | Bornkood ännern]- Falko Weerts: De Apparatspott. Die Schience-Fiction Story der Sulinger filmemoker. Weerts-Verlag, Weyhe 2007; ISBN 978-3-940807-01-4; 120 S. m. veelen Billers
Weblenken
[ännern | Bornkood ännern]- De Apparatspott – Ick heep keene Lust mehr hier ünnen in de Internet Movie Database (engelsch)
- Websteed to’n Film (hoochdüütsch)