Portal:Wikinews/Dat Sünnsystem hett een Dwargplanet mehr
Siet den 11. Juni 2008 hett uns Sünnsystem nu wedder een Dwargplanet mehr. Blangen uns bekannten acht Planeten gifft dat nu veer Dwargplaneten. As jüngst Liddmaat vun de Planetenfamilie hett de IAU nu (136472) Makemake bekannt geven. Dat transneptuunsche Objekt weer bit nu as Asteroid ünner de Beteken 2005 FY9 föhrt. Unvermodens kummt de Bekanntgaav aver nich, vun wegen dat dat Objekt al längere Tiet as Kandidat för de nee inföhrte Klass vun de Dwargplaneten gellt hett.
(136472) Makemake is an’n 31. März 2005 eerst opdeckt worrn. För een Ümloop üm de Sünn bruukt he över 308 Johren, sien Dörmeter warrt op ruchweg 1.800 km schätzt. Na den Besluss vun de IAU ist he nu as Plutoid, en Ünnerklass vun de Dwargplaneten, klassifizeert. Sien offiziellen Naam hett dat Objekt in’n Juli 2008 kregen. He is nöömt na Makemake, wat de Schöppergottheit vun de Kultur op’t Oostereiland is.[1]