Portal:Wikinews/Blau Lööw för Ursula Hinrichs

11. Oktober 2008: De Blau Lööw, de Kulturpries vun’n Landkreis Horborg, dit Johr utschreven in de Kategorie „Plattdüütsch“, geiht an de Schauspelerin Ursula Hinrichs. Dat hett de Jury nu bekannt geven. Den Pries, de mit en Priesgeld vun 2000 Euro verbunnen is, schall Hinrichs an’n 18. November in’e Hannen kriegen. De plattdüütsche Loffreed bi de Priesövergaav in’t „rail info center“ in Hittfeld schall de Intendant vun dat Ohnsorg-Theater, Christian Seeler hollen.