Portal:Wikinews/Birgit Lemmermann winnt Lüttjepütt-Pries 2007

Dunnersdag, 12. Juli 2007: De Stiften vun de Spoorkassen in Neddersassen hett dit Johr dat eerste Maal den Lüttjepütt-Pries utschreven. Mit den Pries warrt nu all veer Johr Saken op Plattdüütsch uttekent, de sik an Kinner wennen doot. Nöömt is he na dat Book Lüttjepütt vun Johann Bellmann.

Wunnen hett em 2007 Birgit Lemmermann för ehr Manuskript för dat Kinnerbook Ebbe un Hehn. Lemmermann is Kunstpädagogin un vun de Stoder Geest. Ehr Book hannelt dor vun, wo swoor dat för en jung Minsch is, groot to warrn.

Den Pries in’e Hand kriegen schall Lemmermann an’n 16. September 2007 op de Bemsen-Dagfohrt dit Johr.