Port-Cros

Haben vun Port-Cros

Port-Cros (franzöösch: Île de Port-Cros) is en vun de dree Hööftinseln vun de in dat Middelmeer liggend Inselgrupp Îles d’Hyères (Hyèrische Inseln). De Inseln hörrn to Frankriek, un liggen blots wenige Kilometer vör de süüdfranzöösch Küst (Côte d’Azur). De gesamte Insel is Deel vun den Natschonalpark Port-Cros.

Geschichte

As Anfang vun de 1920er-Johren de Natur vun dat Eiland vun en intensiv Hotelbebauung bedroht weer, hett de Eegendömerfamilie dat Eiland an den franzööschen Staat ünner de Uplaag överschreven, hier en Natschonalpark hertostellen un den för all Tieden ok to ünnerhollen. 1978 wurr vör den Strand La Palud de eersten Ünnerwaterlehrpadd vun Frankriek inricht.

Inst hemm Künstler as Paul Valéry oder André Gide dor hör Sömmerfrische verbrocht. Hüüd is de ehmalge Herrensitt  – Maison d’Hélène, jetzt Manoir de Port-Cros – en vun de wenigen Hotels vun de Insel. De ehmalge franzöösch Präsident François Mitterrand keem mehrfack up de Insel – eennmal mit den dormals amteeren düütschen Bundskanzler Helmut Kohl.

• 
  Natschonalpark Port-Cros
• 
  De Haben un de ehmalge Festung vun Port-Cros
• 
  De Strand Plage de la Palud un Rascas-Felsen
• 
  Rascas-Felsen

Weblinks

Port-Cros. Mehr Biller, Videos oder Audiodateien to’t Thema gifft dat bi Wikimedia Commons.

• Les Îles d’Or up de Websteden vun Hyères (franzöösch)