Plasmaspenn

Vun Wikipedia
Zur Navigation springen Zur Suche springen

De Plasmaspenn is en Vörgang in de Transfusschoonsmedizin, bi denn en Minsch freewillig wat vun sien Bloodplasma afgifft. Dat Plasma warrt denn för Transfuschonen oder för’t Herstellen vun Medikamenten bruukt.

Afloop[ännern | Bornkood ännern]

De Plasmaspenn geiht meist för den Spenner jüst so vör sik as en normale Bloodspenn, blots mutt dat Plasma eerst noch vun de restlichen Bestanddeelen in’t Blood afscheed warrn. Dat geiht över de Plasmapherees, en Sünnerform vun de Apherees, welke dat normalerwies klore, gele Plasma vun de roden Bloodkörpers splitten un disse denn achteran wedder in Lief torüch föhren deit. Wenn dat Blood bannig fett is, denn is dat Plasma nich fein klor, man dat sütt den wat wittlich-drööv ut. Mitünner kann dat ok so dull wesen, dat dat Plasma nich to bruken is.

Dordör, dat blots dat Plasma afnahmen warrt, kann so en Spenn alle poor Daag maakt warrn, also düüdlich fakener as en normale Bloodspenn, wo all Bestanddelen bruukt warrt. Dat Plasma kann neemlich vun’n Lief veel gauer wedder namaakt warrn. Wo lang en Plasmaspenn duert, hangt vnu’n Hämoglobinweert af. Wenn de Hooch is, duert de Afnahm lang. Normalerwies warrt bi de SPenn ungefähhr 800 ml Plasma afnahmen. Dat warrt denn för en half Johr bi -40°C lagert un de Spenner op Krankheiten ünnersocht. Wenn de Spenner nich opfallig is mit Krankheiten, de över dat Bloodplasma överdragen warrn künnt (t. B. Hepatitis, HIV, Syphilis), denn warrt sien Plasma verwennt. Sonst mutt dat tonicht maakt warrn.

Vörutsetten[ännern | Bornkood ännern]

En Plasmaspenn kann maken, wokeen vulljohrig is un tomindst 50 kg wägen deit. Versteiht sik vun sülvst, dat en Spenner keen Drogen nahmen hebben dröff, tomindst de letzten veer Weken dorvör nich. Und he dröff ok in de letzten veer Weken dorvör keen Blood spennt hebben. Ok Alkohol dröff en poor Stünnen vör en Plasmaspennen nich drunken warrn. Fronslüüd künnt ok nich spennen, wenn se en Kind kriegt, oder in de letzten söss Maanden dorvör swanger wesen sünd.

Twüschen twee Plasmaspennen mööt tomindst twee Daag liggen, bi de meisten Spenndeensten gifft dat bito aver noch en Grenzmengde för’t Johr. Man kann also nich dat ganze Johr över jeden drüdden Dag spennen. Vele Deensten betahlt jemehr Spenners en Schadensgeld för den Opwand. Dat liggt en Dörsnitt bi ruchweg 20 Euro för een Spenn.

Weblenkens[ännern | Bornkood ännern]

Commons-logo.svg Plasmaspenn. Mehr Biller, Videos oder Audiodateien to’t Thema gifft dat bi Wikimedia Commons.