Peter Appleyard

Vun Wikipedia
Peter Appleyard (2007)

Peter Appleyard (* 26. Oktober 1928 in Cleethorpes, England; † 17. Juli 2013 in Eden Mills, Ontario[1]) weer en kanaadsch Jazzmusiker (Vibraphon, Slagtüüch) vun britisch Herkunft.

Leven un Wark[ännern | Bornkood ännern]

Appleyard, de as nautisch Instrumentenmaker arbeiten dee, speel in sien Freetiet Musik. He fung as Slagtüüchspeler in lokal Danzkapellen an, bevör he mit de Hawaiian Serenaders un verscheeden Jazzgruppen uptreeden dee. Wiels sien Wehrdeenst weer he Liddmaat vun en Luftwapen-Orchester. 1951 truck he nah Toronto, wo he to dat Vibraphon wessel. In sien Speel up dat Vibraphon sünd Inflooten vun Lionel Hampton un Terry Gibbs to erkennen. In de 1950er-Jahren speel he tonächst bi Billy O’Connor, denn in Bands um Calvin Jackson un in eegen Combos. Af Enn' vun de 1950er-Johren weer he ok faken in New York City as Gast.

In den 1970er-Johren speel he regelmatig sowohl mit Benny Goodman un mit Peanuts Hucko. Van 1977 bit 1980 betrüe he de CBC-Feernsehshow Peter Appleyard Presents, in de he mit sien eegen Band wesseln Gäste vörstellen dee. Buterdem nehm he mit Ed Bickert un Rob McConnell as ok mit Slam Stewart un mit Skitch Henderson up. 1990 speel he för Concord Records twee Alben mit en All-Star-Besetten in, ünner annern mit Bucky Pizzarelli, Major Holley un Butch Miles. 1992 hett he Mel Tormé up en Japan-Tournee begleit, bi de de CD Sing, Sing, Sing entstund. Mit Tormé, Dick Hyman un Roman Dyląg is he ok in Europa uptreeden. Anner Musiker, mit de he uptreeden is, weern Moe Koffman, Fraser MacPherson, Diana Krall, Anne Murray, Oscar Peterson, Ella Fitzgerald, Tony Bennett un Hagood Hardy.

Utteknungen un Pries[ännern | Bornkood ännern]

Sien Album Swing Fever wurr för den Juno Award nomineert un reck en Goldstatus. 1992 wurr he to'n Offizier vun den Order of Canada nömmt. 2007 kreeg he den Satchmo Award.

Diskographisch Henwiesen[ännern | Bornkood ännern]

  • The Vibe Sound (1958)
  • On Stage with Bennie Goodman and His Sextet (1972)
  • Swing Fever (1982)
  • Barbados Heat (1990, Concord)
  • Barbados Cool (1990, Concord)
  • Peter Appleyard Quartet (2002)
  • The Lost 1974 Sessions (Linus, 2012), mit Hank Jones, Zoot Sims, Slam Stewart, Bobby Hackett, Mel Lewis, Urbie Green
  • Sophisticated Ladies (2012)

Lexigraphisch Indrääg[ännern | Bornkood ännern]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Nahoop bi CBC