Hank Jones

Vun Wikipedia
Wesseln na: Navigatschoon, Söök
Hank Jones (2005)

Henry „Hank“ Jones (* 31. Juli 1918 in Vicksburg, Mississippi, † 16. Mai 2010 in New York City), weer en US-amerikaansch Jazz-Pianist.

De öldst Bröer vun Thad un Elvin Jones is in Pontiac/Michigan upwussen, wo he Klaveerünnerricht kreeg. Siet sien darteinst Levensjohr is he mit regional Bands in Michigan und Ohio uptreden. Hier is he den Saxophonisten Lucky Thompson upfallen, de hüm 1944 en Job in de Band vun Hot Lips Page in New York vermiddeln de. Dor arbeit he denn ok mit so bekannt Lüüd as Charlie Parker, John Kirby, Howard McGhee, Coleman Hawkins, Andy Kirk und Billy Eckstine.

Nah en Tournee 1947 mit Norman Granz' Jazz at the Philharmonic wurr he Pianist vun Ella Fitzgerald, mit de he bit 1953 arbeit hett. In de 1950er Johren arbeit he denn mit Musikers as Benny Goodman, Artie Shaw, Milt Jackson un Cannonball Adderley. In’ Juni ’47 hebbt Miles Davis, Kai Winding un he in Hawkins’ All-Stars-Formation (Bean A Re-Bop) speelt. 1956 war he mit bi Quincy Jones´ Debütalbum This Is How I Feel About Jazz. Van 1959 bit 1976 weer he Studiomusiker bi Columbia Records. Dorneben arbeit he noch as Pianist bi Produktschonen as de Ed Sullivan Show. Enn’ vun de 1970er Johren weer he Pianist un Dirigent vun dat Broadway-Musical Ain’t Misbehavin' vun Fats Waller.

1966 weer Jones de eerste Pianist vun dat Thad Jones/Mel Lewis-Orchester, buterdem weer he Liddmaat vun dat Great Jazz Trio, to dat in de Loop vun de Tiet Ron Carter, Buster Williams un Eddie Gomez as Bassisten un Tony Williams, Al Foster un Jimmy Cobb as Slagtüüchspeler anhörrn dee. In de Loop vun de Johren speel he praktisch bi all groot Jazzlabels vun de USA mehr as eenduusend Upnahmen as Sideman un Bandleader en.

Upnahmen (Utwahl)[ännern | Bornkood ännern]

  • Urbanity, 1947
  • Bluebird, 1955 (Savoy Records)
  • Somethin’ Else, 1958
  • The Talented Touch, 1966
  • Hanky Panky, 1975
  • Arigato, 1976
  • Solo Piano, 1976
  • Bop Redux, 1977
  • Rockin’ in Rhythm, 1977
  • Just for Fun, 1977
  • Tiptoe Tapdance, 1977
  • Ain’t Misbehavin', 1978
  • In Japan, 1979
  • Incredible Hank Jones Meets Louis Bellson & Ira Sullivan, 1979
  • Hank Jones-Red Mitchell Duo, 1987
  • Lazy Afternoon, 1989
  • The Oracle, 1989
  • Hank Jones Trio with Mads Vinding and Al Foster, 1991
  • Live at Maybeck Recital Hall, Vol. 16, 1991
  • A Handful of Keys: The Music of Thomas "Fats" Waller, 1992
  • Upon Reflection: The Music Of Thad Jones mit Elvin Jones
  • Sarala, Gitanes 1995 (mit Cheick-Tidiane Seck un de Mandikas speelt he arabisch Mandingomusik)
  • Master Class, 1997
  • Favors, 1997
  • I Remember You, 2002
  • Bluesette, 1979/2002
  • The Trio, 1977/2003
  • For My Father, 2005
  • Hank and Frank, 2006
  • Hank and Frank II, 2009 (mit Frank Wess, Marion Cowings)

Ehrungen[ännern | Bornkood ännern]

Weblenken[ännern | Bornkood ännern]