Paul Tanner

Vun Wikipedia

Paul O. W. Tanner (* 15. Oktober 1917 in Skunk Hollow in Kentucky; † 5. Februar 2013 in Carlsbad, Kalifornien[1]) weer en US-amerikaansch Jazz-Basuunist vun den Swing, Jazzschriever un Utfinner.

Tanner wurr bekannt as Basuunist vun dat Glenn Miller Orchestra. Mit dat Enn' vun de Big-Band-Ära (he weer noch in Miller sien Army Air Force Band af 1942 un in de Nahfolgeband ünner Tex Beneke) weer he as Studiomusiker in Hollywood bi ABC beschäftigt, wo he völ mit Henry Mancini, en ehmalgen Kollegen ut de Band vun Tex Beneke tosommenarbeit hett. Nah en anhangt Studium weer he Musik-Perfesser an de UCLA, wo he Jazz-Kurse geev. He schreev ok mehrere Böker över Jazz, ünner annern en Schoollehrbook un Lehrböker för Basuun.

He is ok mit den Utfinner (un Schauspeler) Bob Whitsell Enn' vun de 1950er Johren Utfinner vun dat Electro-Theremin (ok Tannerin nömmt), dat den Klang vun dat Theremin nahmaaken sull un to'n Bispeel vun den Beach Boys in Songs as „Good Vibrations“ bruukt wurr. Tanner keem 1958 up de Idee dorto, as he de Schwierigkeiten sehn dee, de sück ut den Gebruuk vun dat Theremin för den Soundtrack vun’n Alfred-Hitchcock-Film Spellbound ergeeven harrn. Tanner hett dat Electro-Theremin för mehrere TV un Speelfilm-Soundtracks un för een Plaat „Music from Outer Space“ (Omega) bruukt.

Literatur[ännern | Bornkood ännern]

  • Tanner, David Megill, Maurice Gerow „Jazz“, McGraw Hill College Division, 8. Uplaag 1996, ISBN 0697288072 (mit CD)
  • Tanner, Megill „Jazz issues- a critical history“, William C. Brown 1994, ISBN 0697125718
  • Tanner, Ployhar „Practical hints on playing trombone“ 1985
  • Tanner „Sideman- stories about the band“ 2000
  • Tanner „Every Night was New Years Eve – On the Road with Glenn Miller“, Cosmo Space 1992, ISBN 4947544082 (över de Tiet bi Glenn Miller)
  • Tanner „Conversation with a musician“

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Paul Tanner Dies at 95; Last Surviving Member of Famed Glenn Miller Band