Paul Greengard

Vun Wikipedia
Zur Navigation springen Zur Suche springen
Paul Greengard

Paul Greengard (* 11. Dezember 1925 in New York City; † 13. April 2019[1]) weer en US-amerikaansch Biochemiker, Pharmakoloog un Neurobioloog. 2000 kreeg he gemeensam mit Arvid Carlsson ut Sweden un den Amerikaner Eric Richard Kandel den Nobelpries för Physiologie oder Medizin för hör Opdecken de Signalöverdragen in dat Nervensystem bedrapend.

Leben und Werk[ännern | Bornkood ännern]

Paul Greengard hett 1953 sien Doktertitel in Baltimore an de Johns-Hopkins-Universität in dat Fack Biophysik maakt un ansluutend in England (London und Cambridge) up dat Rebeet vun de Biochemie arbeit.[2] 1959 gung he an de Geigy-Forschungslaboratorien in Greenburgh (Ardsley/New York). 1968 wurr he as Perfesser an de Yale University, School of Medicine in New Haven beropen, up de he as Perfesser för Pharmakologie un Psychiatrie tätig wurr. 1983 kreeg he en Professur an de Rockefeller University in New York, wo he togliek de Leiden vun dat Labor för Molekularbiologie un Zelluläre Neurowetenschapen övernehm. In de Loop vun sien akademisch Loopbahn hett Greengard buterdem an dat Albert Einstein College of Medicine un an de Vanderbilt University forscht un lehrt.

Greengard hett vör allen an de Signalöverdragen tüschen de Nervenzellen in dat Gehirn forscht, um de konkrete Vermittlung dör interzellulare Signalstoffe to ünnersöken. Dorbi hett he vör allen de Överdragen an de so nömmt langsam Synapsen upklärt, över de grundleggen Funktschonen vun dat Zentraal Nervensystem as etwa Stimmungen oder de Waaksamkeit bestimmt wurrn. He hett opdeckt, dat de Signalstoff Dopamin en Kaskade vun Reaktschonen in dat Binnere vun de Nervenzelle utlööst, de neben de Modifikatschoon vun verscheeden zelleegen Proteine ok dat dat Apenmaaken vun Ionenkanälen führt. Dör de dordör indringen Ionen wurrd de elektrische Ladung vun de Zelle umdreiht, wordör Aktschonspotentiale utlööst wurrn.

De Erkenntnisse över de Signalöverdragen un de Wirkung vun Signalstoffen sünd vör allen för den Insatz vun Medikamenten vun Bedüüden. Vör allen de Wirkungswies vun Psychopharmaka, etwa gegen Schizophrenie, kann dordör beter verstahn un ünnersöcht wurrn.

He weer mit de Bildhauerin Ursula von Rydingsvard verheiraadt. Sien beid Söhns ut en eerst Ehe, Leslie Greengard un Claude Greengard, sünd Mathematiker.

Utteknungen (Utwahl)[ännern | Bornkood ännern]

Ehrungen un Liddmaatschapen (Utwahl)[ännern | Bornkood ännern]

Greengard weer jewiels Liddmaat in de

Weblenken[ännern | Bornkood ännern]

Commons-logo.svg Paul Greengard. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Pioneering neuroscientist and Nobel laureate Paul Greengard dies at 93 (englisch)
  2. Gisela Baumgart: Greengard, Paul. In: Werner E. Gerabek, Bernhard D. Haage, Gundolf Keil, Wolfgang Wegner (Hrsg.): Enzyklopädie Medizingeschichte. De Gruyter, Berlin/New York 2005, ISBN 3-11-015714-4, S. 509.